ଭୁବନେଶ୍ବର : ବିଦ୍ୟୁତ ବିଲ ପାଇଁ ଜଣେ ନିଷ୍ଠୁର ସାନ ଭାଇର ଛୁରାମାଡ଼ରେ ବଡ଼ଭାଇର ଜୀବନ ଯାଇଛି। ଏଭଳି ଏକ ଅଭାବନୀୟ କାଣ୍ଡ ବାଲେଶ୍ୱର ଜିଲ୍ଲା ଔପଦା ବ୍ଲକ ଫତେପୁର ପଞ୍ଚାୟତ ଅଧୀନ ଲୁଣିପଦା ଗ୍ରାମରେ ଘଟିଛି। ଏ ନେଇ ମୃତ ବଡ଼ଭାଇଙ୍କ ପତ୍ନୀ ଚମ୍ପା କାଲି ଔପଦା ଥାନାରେ ଏତଲା ଦେବା ପରେ ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ପ୍ରକାଶ ଯେ, ବିଦ୍ୟୁତ ବିଲକୁ ନେଇ ଗତ ୧୭ ତାରିଖରେ ଲୁଣିପଦା ଗ୍ରାମର କାଶୀନାଥ ମାଝୀଙ୍କ ସାନ ପୁଅ ବିଶ୍ୱନାଥ ଓ ବଡ଼ ପୁଅ ଜଗବନ୍ଧୁଙ୍କ ମଧ୍ୟରେ ଝଗଡ଼ା ଲାଗିଥିଲା । ଏଥିରେ ଉତ୍ୟକ୍ତ ହୋଇ ବିଶ୍ୱନାଥ ଏକ ଛୁରୀ ଜଗବନ୍ଧୁଙ୍କ ପେଟରେ ଭୁସି ଦେଇଥିଲା। ଗୁରୁତର ଅବସ୍ଥାରେ ପରିବାର ଲୋକେ ଜଗବନ୍ଧୁଙ୍କୁ ଖଇରା ମେଡିକାଲକୁ ନେଇଥିଲେ। ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ କଟକ ସ୍ଥାନାନ୍ତର କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ଜଗବନ୍ଧୁଙ୍କ ମୃତ୍ୟୁ ଘଟିଛି ।
Comments are closed.