‘ବ୍ଲାକ୍ ପାନ୍ଥର’ ଅଭିନେତା ଚ୍ୟାଡଓ୍ବିକ୍ଙ୍କ ପରଲୋକ
ନୂଆଦିଲ୍ଲୀ : ହଲିଉଡର ସୁପରହିଟ୍ ଫିଲ୍ମ ‘ବ୍ଲାକ୍ ପାନ୍ଥର’ର ଅଭିନେତା ଚ୍ୟାଡଓ୍ବିକ୍ ବୋସମ୍ୟାନଙ୍କ ମୃତ୍ୟୁ ଘଟିଛି। ଆଜି ସକାଳେ ୪୩ବର୍ଷୀୟ ଚ୍ୟାଡଓ୍ବିକ୍ଙ୍କର କୋଲନ୍ କ୍ୟାନସରେ ମୃତ୍ୟୁ ଘଟିଛି। ଚ୍ୟାଡଓ୍ବିକ୍ଙ୍କ ମୃତ୍ୟୁ ଖବର ଶୁଣି ସବୁଆଡେ ଶୋକର ଲହରୀ ଖେଳିଯାଇଛି। ତାଙ୍କ ପ୍ରଶଂସକଙ୍କ ଟାରୁ ଆରମ୍ଭ କରି ଷ୍ଟାର ପର୍ଯ୍ୟନ୍ତ ସମସ୍ତେ ତାଙ୍କୁ ମନେ ପକାଇ ଶ୍ରଦ୍ଧାଞ୍ଜଳି ଜଣାଇଛନ୍ତି। ଚ୍ୟାଡଓ୍ବିକ୍ ବୋସମ୍ୟାନ ଗତ ୪ବର୍ଷ ହେବ କ୍ୟାନସର ସହ ଲଢ଼ୁଥିଲେ। ତାଙ୍କୁ କୋଲୋନ୍ କିମ୍ବା ଅନ୍ତନଳୀ କ୍ୟାନସର ହୋଇଥିଲା।
ଚ୍ୟାଡଓ୍ବିକ୍ ବୋସମ୍ୟାନଙ୍କ ପରଲୋକ ପରେ ତାଙ୍କ ପରିବାର ତରଫରୁ ଏକ ଆଧିକାରିକ ବୟାନ ମଧ୍ୟ ଜାରି କରାଯାଇଥିଲା। ପରିବାର ତରଫରୁ ଜାରି କରାଯାଇଥିବା ଷ୍ଟେଟମେଣ୍ଟରେ ଲେଖାଯାଇଛି ଯେ,‘ ଜଣେ ପ୍ରକୃତ ଯୋଦ୍ଧା,ଚ୍ୟାଡଓ୍ବିକ୍ ନିଜ ସଂଘର୍ଷ ଜରିଆରେ ଆପଣଙ୍କଠାରେ ସମସ୍ତ ଫିଲ୍ମ ପହଞ୍ଚାଇଥିଲେ ଯେଉଁଗୁଡ଼ିକ ଆପଣ ପସନ୍ଦ କରିଥିଲେ। ଏହା ସହିତ ପରିବାର ଲୋକେ ଏହା ମଧ୍ୟ କହିଥିଲେ ଯେ ଗତ ୪ବର୍ଷରୁ ଅଭିନୟ ସହ ବୋସମ୍ୟାନଙ୍କ ସର୍ଜରି ଏବଂ କେମୋଥେରାପି ମଧ୍ୟ ଜାରି ଥିଲା। ‘ବ୍ଲାକ୍ ପାନ୍ଥର’ ଫିଲ୍ମରେ ସମ୍ରାଟ ଟି-ଚାଲାଙ୍କ ଭୂମିକାରେ ଅଭିନୟ କରିବା ତାଙ୍କ ପାଇଁ ସମ୍ମାନର କଥା ଥିଲା।
Comments are closed.