ଭୁବନେଶ୍ୱର: ସରକାର ଅନଲକ୍-୪ ନିୟମାବଳୀରେ ପରିବହନ କ୍ଷେତ୍ରରେ ଥିବା କଟକଣାକୁ ପ୍ରତ୍ୟାହାର କରିଛନ୍ତି। ଏଥିପାଇଁ ଓଡ଼ିଶା ରାଜ୍ୟ ସଡ଼କ ପରିବହନ ନିଗମ (ଓଏସ୍ଆର୍ଟିସି)ପକ୍ଷରୁ ବସ୍ ଚଳାଚଳ କରିବାକୁ ନିଷ୍ପତ୍ତି ନିଆଯାଇଛି। ପ୍ରାଥମିକ ପର୍ଯ୍ୟାୟରେ ୨୯ଟି ରୁଟରେ ବସ୍ ଯାତାୟାତ କରିବ। ଓଏସ୍ଆର୍ଟିସିର ସମୁଦାୟ ୨୩ଟି ଡିପୋ ଥିବାବେଳେ ୧୪ଟି ଡିପୋରୁ ବସ୍ ବାହାରି ବିଭିନ୍ନ ଗନ୍ତବ୍ୟସ୍ଥଳକୁ ଯିବ ବୋଲି ଓଏସ୍ଆର୍ଟିସି ପକ୍ଷରୁ ସୂଚନା ଦିଆଯାଇଛି।
ଭୁବନେଶ୍ୱର ଏବଂ କଟକରୁ ବିଭିନ୍ନ ଜିଲା ମୁଖ୍ୟାଳୟକୁ ବସ୍ ଯାତାୟାତ କରିବ। ପରବର୍ତ୍ତୀ ସମୟରେ ଅନ୍ୟ ରୁଟରେ ବସ୍ ସେବା ଉପଲବ୍ଧ ହେବ। ଏ ସଂକ୍ରାନ୍ତରେ ଓଏସ୍ଆର୍ଟିସିି ପରିଚାଳନା ନିର୍ଦେଶକ ଅରୁଣ ବୋଥ୍ରା କହିଛନ୍ତି, ବସ୍ ଯାତ୍ରୀମାନେ ଯାତ୍ରା ସମୟରେ ମାସ୍କ ପିନ୍ଧିବାକୁ କୁହାଯାଇଛି। ବିନା ମାସ୍କରେ ଯାତ୍ରୀଙ୍କୁ ବସ୍ ଭିତରକୁ ପ୍ରବେଶ କରିବାକୁ ଦିଆଯିବ ନାହିଁ। ଏଥିସହ ସାମାଜିକ ଦୂରତ୍ୱ ରକ୍ଷା ଏବଂ ହାତ ସାନିଟାଇଜ୍ କରିବାକୁ ପରାମର୍ଶ ଦିଆଯାଇଛି। ବସ୍ କର୍ମଚାରୀ ଓ ଯାତ୍ରୀଙ୍କ ସୁରକ୍ଷା ପାଇଁ ବସ୍କୁ ପ୍ରତ୍ୟେକ ଦିନ ସାନିଟାଇଜ୍ କରାଯିବ। ଜେଇଇ ମେନ୍ ଓ ନିଟ୍ ପରୀକ୍ଷାର୍ଥୀଙ୍କୁ ପରିବହନ ସେବା ଯୋଗାଇ ଦେବା ପାଇଁ ମୁଖ୍ୟମନ୍ତ୍ରୀଙ୍କ ନିର୍ଦେଶ ଥିଲା। ସେଥିପାଇଁ ଓଏସ୍ଆର୍ଟିସି ପକ୍ଷରୁ କିଛି ବସ୍ ନିୟୋଜିତ କରାଯାଇଛି।
Comments are closed.