ପ୍ରଧାନମନ୍ତ୍ରୀଙ୍କୁ ଧମକ; ରାଜଦ୍ରୋହ ମାମଲାରେ ଯୁବକ ଗିରଫ

ଭୁବନେଶ୍ବର: ଦେଶଦ୍ରୋହ ମାମଲାରେ ଜଣେ ଗିରଫ। ଅଭିଯୁକ୍ତକୁ ଗିରଫ କରିଛି ଉତ୍ତରପ୍ରଦେଶ ବାଗପତ ଜିଲ୍ଲା ସିଂହବାଲି ଥାନା ପୋଲିସ। ଗିରଫ ଅଭିଯୁକ୍ତ ଜଣକ କଟକ ସାଲେପୁର ଥାନା କୁଶମ୍ବୀ ଗାଁର ସୟଦ ହସନ ଅହମ୍ମଦ। ସୟଦଙ୍କୁ ଦଫା ୧୨୪(କ), ୫୦୭, ୫୦୪, ୩୫୩(କ)ରେ ପୁଲିସ ଗିରଫ କରିଛି। ୟୁପି ପୋଲିସ ଆଜି ସକାଳୁ ସୟଦ ହସନର ମେଡିକାଲ ଯାଞ୍ଚ କରି କଟକ ସିଜିଏମ କୋର୍ଟରେ ହାଜର କରାଇଛି।

ସୂଚନା ଅନୁଯାୟୀ, ଫେସବୁକରୁ ଫୋନ ନମ୍ବର ସଂଗ୍ରହ କରି ଉତ୍ତର ପ୍ରଦେଶ ଜିଲ୍ଲାର ହିନ୍ଦୁ ବାହିନୀର ଅଧକ୍ଷ କୂଳଦୀପ ପାଞ୍ଚାଲଙ୍କୁ ଫୋନରେ ଜୀବନରୁ ମାରିଦେବାକୁ ଧମକ ଦେବା ସହ ଭାରତ ମାତା ପ୍ରତି ଆପତ୍ତି ଜନକ ଶବ୍ଦ ପୋଷ୍ଟ କରିବା ଏବଂ ପ୍ରଧାନମନ୍ତ୍ରୀ ଓ ଉତ୍ତର ପ୍ରଦେଶର ମୂଖ୍ୟମନ୍ତ୍ରୀ ଯୋଗୀ ଅଦିତ୍ୟନାଥ ବିରୁଦ୍ଧରେ ଆପତ୍ତି ଜନକ ମନ୍ତବ୍ୟ ବାରମ୍ବାର ଦେବା ନେଇ ଉତ୍ତର ପ୍ରଦେଶ ପୋଲିସ ପାଖରେ ଅଭିଯୋଗ ହୋଇଥିଲା। ହିନ୍ଦୁ ବହାନି ଅଧକ୍ଷ କୂଳଦୀପ ପାଞ୍ଚାଲ ଅଭିଯୋଗ କରିଥିଲେ। ଏହାକୁ ଆଧାର କରି ଉତ୍ତର ପ୍ରଦେଶ ପୋଲିସ ତାର ତଦନ୍ତ ଆରମ୍ଭ କରିଥିଲା। ଫୋନ କଲ ଟ୍ରେସିଂ କରି ସଂପୃକ୍ତ ଯୁବକକୁ ସାଲେପୁର ଥାନା ସାହାଯ୍ୟରେ କୁସମ୍ଭି ଗାଁରୁ ଗିରଫ କରିଛି।