ରିୟାଙ୍କୁ ଏନସିବିର ସମନ୍

ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତ ମାମଲାରେ ଡ୍ରଗ୍ସ ଲିଙ୍କ୍‌ ଘଟଣା ସାମ୍ନାକୁ ଆସିଛି। ଡ୍ରଗ୍ସ ଲିଙ୍କ୍‌ ମାମଲାରେ ଅଭିନେତ୍ରୀ ରିୟା ଛନ୍ଦି ହୋଇଯାଇଛନ୍ତି। ଏନସିବି ଏହି ମାଲାର ତଦନ୍ତ କରୁଥିବା ବେଳେ ଆଜି ରିୟା ଚକ୍ରବର୍ତ୍ତୀଙ୍କୁ ସମନ ଜାରି କରିଛି। ତେବେ ଏନସିବି ଟିମ୍ ସହ ଯିବାକୁ ରିୟା ମନାକରିଦେଇଛନ୍ତି। ରିୟା ଆଜି ଦିନ ୧୦ଟା ୩୦ରେ ଏନସିବି ଅଫିସରେ ହାଜର ହେବେ।

ଡ୍ରଗ୍ସ କାରବାର ମାମଲାରେ ରିୟାଙ୍କ ଭାଇ ସୌଭିକ ଗିରଫ ହୋଇସାରିଛନ୍ତି। ସୌଭିକଙ୍କ ପରେ ରିୟା ଚକ୍ରବର୍ତୀ ଗିରଫ ହେବା ନେଇ ଚର୍ଚ୍ଚା ବଢିଛି। ଡ୍ରଗ୍ସ କାରବାର ମାମଲାରେ ନାରକୋଟିକ୍ସ ବ୍ୟୁରୋ ରିୟାଙ୍କୁ ସମନ କରିବା ପରେ ଏହି ଚର୍ଚ୍ଚା ଜୋର ଧରିିଛି। ଆଜି ସୌଭିକ ଓ ରିୟାଙ୍କୁ ନାରକୋଟିକ୍ସ ମୁହାଁମୁହିଁ ଜେରା କରିପାରେ। ସୁଶାନ୍ତଙ୍କ ରୋଷେୟା ଦିପେଶଙ୍କୁ ଗିରଫ ହୋଇସାରିଛନ୍ତି। ପୂର୍ବରୁ ସୁଶାନ୍ତଙ୍କ ଷ୍ଟାଫ ଦୀପେଶଙ୍କୁ ନରକୋଟିକ୍ସ ବ୍ୟୁରୋ ଜେରା କରିଥିଲା। ଜେରା ସମୟରେ ରିୟାଙ୍କ ବିରୋଧରେ ଦୀପେଶ ବୟାନ ଦେଇଥିବା ଜଣାପଡିଛି। ଦୀପେଶ କହିଛନ୍ତି, ରିୟାଙ୍କ ଇସାରାରେ ଘରକୁ ଡ୍ରଗ୍ସ ଆସୁଥିଲା। ଏହା ପରେ ରିୟାଙ୍କୁ ଏନସିବି ସମନ ଜାରି କରିଥିବା ଜଣାପଡିଛି।