ବ୍ରହ୍ମପୁର: ବାଇକରେ କୁମ୍ଭୀର ବାନ୍ଧିକି ନେବା ଘଟଣାରେ ଜଣେ ରେଞ୍ଜରଙ୍କୁ ନିଲମ୍ବିତ କରାଯାଇଛି। ଦିଗପହଣ୍ଡି ବନ ବିଭାଗ ଡେପୁଟି ରେଞ୍ଜର ପ୍ରମୋଦ କୁମାର ଖଡ଼ଗରାୟଙ୍କୁ ନିଲମ୍ବିତ କରାଯାଇଛି। ଏନେଇ ଘଟଣାରେ ସମ୍ପୃକ୍ତ ଅନ୍ୟ କର୍ମଚାରୀଙ୍କ ନାମରେ ବିଭାଗୀୟ କାର୍ଯ୍ୟାନୁଷ୍ଠାନ ନେଇ ନିର୍ଦ୍ଦେଶ ଦିଆଯାଇଥିବା ଆଞ୍ଚଳିକ ମୁଖ୍ୟ ବନ ସଂରକ୍ଷକ ପ୍ରଶାନ୍ତ କୁମାର ମିଶ୍ର ସୂଚନା ଦେଇଛନ୍ତି ।
ସୂଚନାଯୋଗ୍ୟ ଯେ, ଶନିବାର ଦିଗପହଣ୍ଡି ରେଞ୍ଜ ତାଳସିଙ୍ଗି ଧାନବିଲରୁ ଏକ କୁମ୍ଭୀର ଉଦ୍ଧାର ହୋଇଥିଲା। ବନ ବିଭାଗ କର୍ମଚାରୀ ବାଇକରେ ବାନ୍ଧି ଉକ୍ତ କୁମ୍ଭୀରକୁ ନେଇଯାଇଥିଲେ। ତେବେ ଉଦ୍ଧାର ବେଳେ ଏସଓପି ପାଳନ ହୋଇନଥିବା ନେଇ ଅଭିଯୋଗ ହୋଇଥିଲା।
Comments are closed.