ଜାଣନ୍ତୁ ଶେହନାଜ ଗିଲଙ୍କ ଚର୍ବି ହ୍ରାସର କାହାଣୀ

ମୁମ୍ବାଇ : ସିନେମା ଷ୍ଟାର ହେଉ କିମ୍ବା ସାଧାରଣ ମଣିଷ, ଓଜନ ହ୍ରାସ କରିବା ସମସ୍ତଙ୍କ ପାଇଁ କଷ୍ଟକର କାର୍ଯ୍ୟ।ଶରୀରର ଅତିରିକ୍ତ ଚର୍ବି ହ୍ରାସ କରିବା ପାଇଁ ଜିମ ଯିବା ସହିତ ଖାଦ୍ୟରେ ମଧ୍ୟ ପରିବର୍ତ୍ତନ କରିବାକୁ ପଡିଥାଏ । ତଥାପି, ଅନେକ ଥର ଓଜନ କମି ନଥାଏ।

ତେବେ ବିଗ୍ ବସ୍୧୩  ର ଲୋକପ୍ରିୟ ପ୍ରତିଯୋଗୀ ଶାହନାଜ୍ ଗିଲ୍ ଙ୍କୁ କିଏ ବା ନଜାଣେ । ସେ ନିଜର ଚୁଲବୁଲି ଅନନ୍ଦାଜରେ ସମସ୍ତଙ୍କର ମନକୁ କିଣିନେଇଥିଲେ । ବର୍ତ୍ତମାନ ତାଙ୍କ ଓଜନ ହ୍ରାସ ପାଇଁ ହେଡଲାଇନରେ ରହିଛନ୍ତି । ଶେହନାଜ କୁହନ୍ତି, “ଲୋକମାନେ ମୋ ମେଦବହୁଳତାକୁ ପରିହାସ କରୁଥିଲେ।

ମୁଁ ଭାବିଲି ମୁଁ ଲୋକମାନଙ୍କୁ ଦେଖାଇବି ଯେ ମୁଁ ମଧ୍ୟ ପତଳା ହୋଇପାରେ। ”ଶେଷରେ ଶେହନାଜ ଗିଲ 6 ମାସରେ ୧୨ କିଲୋଗ୍ରାମ ହ୍ରାସ କରି ଲୋକଙ୍କୁ ଚକିତ କରିଦେଲେ । କିପରି ନିଜର ମୋଟାପାକୁ କମେଇଥିଲେ ସେ ବିଷୟରେ ମଧ୍ୟ କହିଥିଲେ ।

ସେ କହିଥିଲେ ‘ମୁଁ ଚକୋଲେଟ୍, ଆଇସ୍କ୍ରିମ୍, ଜଙ୍କ ଖାଦ୍ୟରୁ ସମ୍ପୂର୍ଣ୍ଣ ଭାବରେ ଛାଡ଼ି ଦେଇଥିଲି । ଏପରିକି ମୁଁ ଆମିଷ ଖାଇବା ମଧ୍ଯ ବନ୍ଦ କରିଦେଲି ।ଯାହା ଫଳରେ ଶରୀରର ଅତିରିକ୍ତ ଚର୍ବିକୁ ବହୁ ପରିମାଣରେ ହ୍ରାସ ହୋଇଥିଲା। ‘
ଓଜନ ହ୍ରାସ କରିବା ପାଇଁ ଏକ ଡାଏଟ୍ ଯୋଜନା କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।

https://www.instagram.com/p/CFByz3AhPf5/

ଶେହନାଜ କହିଛନ୍ତି, ‘ମୁଁ ବାହାରେ ଖାଇବା ପିଇବା ବନ୍ଦ କରିଥିଲି ଏବଂ କେବଳ ଘରେ ତିଆରି ଖାଦ୍ୟ ଖାଉଥିଲି। ମସଲାଯୁକ୍ତ ଏବଂ ତେଲିଆ ଖାଦ୍ୟ ଛାଡି ମୁଁ ଏକ ସରଳ ଖାଦ୍ୟ ଗ୍ରହଣ କରିବା ଆରମ୍ଭ କଲି ଓଜନ ହ୍ରାସ କରିବାରେ ଏହା ମୋତେ ବହୁତ ସାହାଯ୍ୟ କରିଥିଲା। ‘

ଶରୀରର ଚର୍ବି କମାଇବା ପାଇଁ ଶାହନାଜ ଗିଲ ପ୍ରତିଦିନ ତାଙ୍କର ଖାଦ୍ୟ ବଦଳାଇ ନଥିଲେ। ସେ ଏକ ପ୍ରକାର ଖାଦ୍ୟ ଉପରେ ଧ୍ୟାନ ଦେଇଥିଲେ। ଉଦାହରଣ ସ୍ୱରୂପ, ଯଦି ମଧ୍ୟାହ୍ନ ଭୋଜନରେ ଡାଲି ଏବଂ ମୁଙ୍ଗ ଖିଆଯାଏ, ତେବେ ସେମାନେ ରାତ୍ରୀ ଭୋଜନରେ ସମାନ ଖାଦ୍ୟ ଖାଇଲେ। ସେ ସବୁବେଳେ କ୍ୟାଲୋରୀ ପ୍ରତି ଧ୍ୟାନଦେଉଥିଲେ।

ଶେହନାଜ କୁହନ୍ତି, ଓଜନ ହ୍ରାସ କରିବା ଏତେ ସହଜ ନୁହେଁ। ମୁଁ ମୋର ଖାଦ୍ୟର ପରିମାଣକୁ ହ୍ରାସ କଲି। ଉଦାହରଣ ସ୍ୱରୂପ, ଯଦି ମୁଁ ପୂର୍ବରୁ ଦୁଇଟି ରୁଟି ଖାଉଥିଲି , ତେବେ ମୁଁ ଗୋଟିଏ ରୁଟି ଖାଇଲି | ଏକାଥରକେ ଅଧିକ ଖାଇବା ପରିବର୍ତ୍ତେ ଅଳ୍ପ ଥର ଖାଇବା ଲାଭଦାୟକ ।’

ଶାହନାଜ କହିଛନ୍ତି, ମାର୍ଚ୍ଚରେ ଯେତେବେଳେ ଲକଡାଉନ୍ ଆରମ୍ଭ ହୋଇଥିଲା, ସେତେବେଳେ ମୋର ଓଜନ 67 କିଲୋଗ୍ରାମ ଥିଲା। ବ୍ୟାୟାମ ବିନା 6 ମାସରେ ମୁଁ 12 କିଲୋଗ୍ରାମ ହ୍ରାସ କଲି। ବର୍ତ୍ତମାନ ମୋର ଓଜନ ମାତ୍ର 55 କିଲୋଗ୍ରାମ।ମୁଁ ମୋର ଡାଏଟ୍ ବଦଳାଇ ଅନେକ ଚର୍ବିଯୁକ୍ତ ଜିନିଷ ଖାଇବା ବନ୍ଦ କରିଦେଲି । ବୋଧହୁଏ ସେଥିପାଇଁ ମୁଁ ଓଜନ ହ୍ରାସ କରିବାରେ ସକ୍ଷମ ହୋଇଥିଲି।