ରାଉରକେଲା: ସୁନ୍ଦରଗଡ଼ ଜିଲ୍ଲାର ବଣାଇ ଥାନା ଗୋବିନ୍ଦପୁର ଗାଁରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ଦେଢ ବର୍ଷ ଶିଶୁପୁତ୍ର ଗୁରୁତର ହୋଇଛି। ମହିଳାଙ୍କୁ ହତ୍ୟା କରାଯାଇଥିବା ପରିବାର ପକ୍ଷରୁ ଅଭିଯୋଗ କରାଯାଇଛି। ପୋଲିସ ଘଟଣାର ତଦନ୍ତ ଜାରି ରହିଛି।
ପ୍ରକାଶ ଯେ, ଗୋବିନ୍ଦପୁର ଗ୍ରାମର ଡମ୍ବରୁ କିଷାନଙ୍କ କନ୍ତସରା ଗ୍ରାମର ଅଷ୍ଟମି କିଷାନଙ୍କ ସହ ଅଢେଇ ବର୍ଷ ପୂର୍ବେ ବିବାହ ହୋଇଥିଲା। ଆଜି ସକାଳୁ ମାଆ ପୁଅ ନଉଠିବାରୁ ପରିବାର ଲୋକଙ୍କ ସନ୍ଦେହଜାତ ହୋଇଥିଲା। ଦେଖିବା ବେଳକୁ ମହିଳାଙ୍କ ମୃତ୍ୟୁ ହୋଇସାରିଥିଲା। ଶିଶୁକୁ ଗୁରୁତର ଅବସ୍ଥାରେ ବଣାଇ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା।
Comments are closed.