ପୁରୀ: ମନ୍ତ୍ରୀ ଓ ବିଧାୟକଙ୍କ ନାଁରେ କୋଭିଡ଼ ନିୟମ ଉଲ୍ଲଂଘନ ଅଭିଯୋଗ ପ୍ରସଙ୍ଗ ନୂଆ ମୋଡ଼ ନେଇଛି। ଏନେଇ ପୁରୀ ଏସ୍ପିଙ୍କ ଠାରେ ତଥ୍ୟ ପ୍ରମାଣ ଦାଖଲ କଲା ଶ୍ରୀଜଗନ୍ନାଥ ସେବା। ଶ୍ରୀଜଗନ୍ନାଥ ସେନା ଆବାହକ ପ୍ରିୟଦର୍ଶନ ପଟ୍ଟନାୟକ ତଥ୍ୟ ଦାଖଲ କରିଛନ୍ତି। ମନ୍ତ୍ରୀ ସମୀର ଦାଶ ଓ ବିଧାୟାକୟ ଉପା ସାମନ୍ତରାୟଙ୍କ ସଂପର୍କରେ ତଥ୍ୟ ଦାଖଲ କରାଯାଇଛି। ଉଭୟଙ୍କ ଟେଷ୍ଟ ତାରିଖ ଓ ଆଇସୋଲେସନ ଅବଧି ତଥ୍ୟ ଦାଖଲ କରିଛନ୍ତି ପିୟଦର୍ଶନ ପଟ୍ଟନାୟକ। ପ୍ରଶାସନ ଘଟଣାର ତଦନ୍ତ କରିବାକୁ ମଧ୍ୟ ଦାବି କରିଛନ୍ତି। ପ୍ରଶାସନ ତଦନ୍ତ ନକଲେ କୋର୍ଟଙ୍କ ଦ୍ବାରସ୍ଥ ହେବେ ବୋଲି କହିଛନ୍ତି ପିୟଦର୍ଶନ ପଟ୍ଟନାୟକ।
ପ୍ରକାଶ ଯେ, ମନ୍ତ୍ରୀ ଓ ବିଧାୟକଙ୍କ ନାଁରେ ଆସିଛି କୋଭିଡ୍-୧୯ ଆଇନ୍ ଉଲ୍ଲଂଘନ ଅଭିଯୋଗ। ମନ୍ତ୍ରୀ ସମୀର ଦାଶ ଓ ବିଜେଡି ବିଧାୟକ ଉମାକାନ୍ତ ସାମନ୍ତରାୟଙ୍କ ନାଁରେ ଥାନାରେ ପୁରୀର ଶ୍ରୀ ଜଗନ୍ନାଥ ସେନା ଓ ଜିଲ୍ଲା ବିଜେପି ଯୁବମୋର୍ଚ୍ଚା ପକ୍ଷରୁ ଲିଖିତ ଅଭିଯୋଗ କରାଯାଇଛି। ଅଭିଯୋଗ ଅନୁସାରେ, କିଛି ଦିନ ତଳେ ସମୀର ଦାଶ ଓ ଉମାକାନ୍ତ ସାମନ୍ତରାୟ କରୋନା ପଜିଟିଭ୍ ଚିହ୍ନଟ ହୋଇଥିଲେ। ଏହାସତ୍ତ୍ୱେ ଦୁଇ ଜଣ ଗତକାଲି ଦିବଂଗତ ବିଧାୟକ ମହାରଥୀଙ୍କ ପାର୍ଥିବ ଶରୀରକୁ ଶେଷ ଦର୍ଶନ କରିଥିଲେ। ଏଥିସହ ଶହ ଶହ ଲୋକଙ୍କ ଗହଣରେ ପୁରୀ ସ୍ୱର୍ଗଦ୍ୱାରରେ ମହାରଥୀଙ୍କ ଅନ୍ତ୍ୟେଷ୍ଟି କ୍ରିୟାରେ ମଧ୍ୟ ସାମିଲ ହୋଇଥିଲେ।
ଏହାଦ୍ୱାରା ବ୍ୟାପକ ସଂକ୍ରମଣ ଆଶଙ୍କା ରହିଥିବା ଅଭିଯୋଗ କରି ଶ୍ରୀଜଗନ୍ନାଥ ସେନା ଆବାହକ ପ୍ରିୟଦର୍ଶନ ପଟ୍ଟନାୟକ ଆଜି ପୁରୀ ସମୁଦ୍ର କୂଳ ଥାନାରେ ଏତଲା ଦେଇଛନ୍ତି। କୋଭିଡ୍ ନିୟମ ଉଲଂଘନ ଅଭିଯୋଗକୁ ଖଣ୍ଡନ କରି ମନ୍ତ୍ରୀ ସମୀର ଦାଶ କହିଛନ୍ତି, ଗତ ୧୪ ତାରିଖରେ ରିପୋର୍ଟ ପଜିଟିଭ ଆସିଥିଲା। ହସ୍ପିଟାଲରେ ଭର୍ତ୍ତି ହୋଇ ୨୧ ତାରିଖରେ ଡିସ୍ଚାର୍ଜ ହୋଇଥିଲି। ଗତ ୨୭ରେ ବିଧାନସଭାରେ କୋଭିଡ୍ ଟେଷ୍ଟ କରିଥିଲି। ତାହା ନଗଣ୍ୟ ଥିଲା, ଯାହାକି କାହାକୁ ସଂକ୍ରମିତ କରିପାରିବନି। ଏହାବ୍ୟତୀତ ଗତକାଲି ୨୧ ଦିନ ଅବଧି ସରିଥିବା କହିଛନ୍ତି ମନ୍ତ୍ରୀ।
Comments are closed.