ବସ୍ତାରୁ ମହିଳାଙ୍କ ମୃତଦେହ ଉଦ୍ଧାର

କେନ୍ଦୁଝର: ଅଖା ବସ୍ତା ଭିତରୁ ମହିଳାଙ୍କ ଖଣ୍ଡବିଖଣ୍ଡିତ ମୃତଦେହ ଉଦ୍ଧାର। ଆଜି କେନ୍ଦୁଝର ଜିଲ୍ଲାର ୨୦ ନମ୍ବର ଜାତୀୟ ରାଜପଥରେ ଅଖା ଭିତରେ ମୃତଦେହ ପଡି ରହିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ଅଖା ବସ୍ତାଟି ସମ୍ପୂର୍ଣ୍ଣ ଭାବେ ରକ୍ତରେ ଭିଜି ଯାଇଥିଲା।

ମୃତଦେହ ପାଖରେ ଏକ ଟିଭିଏସ୍ ମୋପେଡ ମୋଟର ସାଇକେଲ ପଡିଥିବା ସହ ଏକ କଳା ରଙ୍ଗର ହେଲମେଟ୍‌ ମଧ୍ୟ ପଡିଥିଲା। ମହିଳାଙ୍କୁ କେହି ହତ୍ୟା କରି, ସେଠାରେ ଫିଙ୍ଗି ଦେଇ ଯାଇଥିବା ପ୍ରାଥମିକ ତଦନ୍ତରୁ ଜଣାପଡିଛି।

ମୃତଦେହ ପାଖରେ ରହିଥିବା ଗାଡିର ନମ୍ବର ମୁତାବକ, ଗାଡ଼ିଟି ନୟାଗଡ଼ର ଦିଲ୍ଲୀପ ଦଳାଇଙ୍କ ବୋଲି ଜଣାପଡିଛି। ବର୍ତ୍ତମାନ ସୁଦ୍ଧା ମୃତ ମହିଳାଙ୍କ ପରିଚୟ ମିଳି ପାରି ନାହିଁ। କିଏ ଓ କାହିଁକି ମହିଳାଙ୍କୁ ହତ୍ୟା କରିଛି ତାହା ଜଣା ପଡ଼ିନାହିଁ। ବିଭିନ୍ନ ଆଧାରରେ ପୋଲିସ୍ ତଦନ୍ତ କରିବା ସହ ନୟାଗଡ଼ର ଦିଲ୍ଲୀପଙ୍କୁ ଖୋଜୁଛି।