ମୋଦିଙ୍କୁ ଶତୃଘ୍ନଙ୍କ କଟାକ୍ଷ: ପୃଥିବୀରେ ଏହି ଦୁଇଟି ଜିନିଷ ମିଳିବନି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କଂଗ୍ରେସ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ଶତ୍ରୁଘ୍ନ ସିହ୍ନାଙ୍କ କଟାକ୍ଷ। ମଜାଳିଆ ଢ଼ଙ୍ଗରେ ଟ୍ୱିଟ କରି ମୋଦିଙ୍କୁ କଟାକ୍ଷ କରିଛନ୍ତି ଶତ୍ରୁଘ୍ନ। ଶତ୍ରୁଘ୍ନ ନିଜ ଟ୍ୱିଟରରେ ଦୁଇଟି କ୍ଲିପ୍‌ ସେୟାର କରିଛନ୍ତି। ଯେଉଁଥିରେ ସେ ଲେଖିଛନ୍ତି, ପୃଥିବୀରେ ଦୁଇଟି ଜିନିଷକୁ ଖୋଜିବା ଅସମ୍ଭବ। ଜଣେ ମୋଦିଙ୍କ ସହପାଠୀ ଓ ଅନ୍ୟଟି ସେହି କଷ୍ଟମର, ଯିଏକି ମୋଦିଙ୍କ ହାତରୁ ଚା ପିଇଛନ୍ତି।

Enjoy these clips on a relaxed & lazy Sunday…..all for a good laugh👇👇👇👇#SpecialSundayHumour pic.twitter.com/fGGeHmIHmQ

— Shatrughan Sinha (@ShatruganSinha) November 1, 2020

ଦ୍ୱିତୀୟ କ୍ଲିପ୍‌ରେ ଲେଖିଛନ୍ତି ଭୁଲ୍‌ ପିଠି ଭଳି ହୋଇଥାଏ, ଯାହା ନିଜକୁ ଛାଡ଼ି ଅନ୍ୟମାନଙ୍କୁ ଦେଖାଯାଏ। ଶତ୍ରୁଘ୍ନ ସିହ୍ନା ଲେଖିଛନ୍ତି, ରବିବାରର ବିଶ୍ରାମରେ ଏହି ଦୁଇଟି କ୍ଲିପ୍‌ରୁ ରିଲାକ୍ସ କରନ୍ତୁ ଓ ମଜା ନିଅନ୍ତୁ। ହସିବା ସ୍ୱାସ୍ଥ୍ୟ ପକ୍ଷେ ଭଲ ହୋଇଥାଏ।

ସୂଚନାଯୋଗ୍ୟ, ଶତ୍ରୁଘ୍ନ ସିହ୍ନା କେନ୍ଦ୍ରର ଅଟଳ ବିହାରୀ ବାଜପେୟୀ ସରକାରରେ ୧୯୯୦ରୁ ୨୦୧୫ ଯାଏ ନିର୍ବାଚନରେ ବିଜେପିର ଷ୍ଟାର ପ୍ରଚାରକ ଥିଲେ। କିନ୍ତୁ ମତଭେଦ ପରେ ସେ ୨୦୧୯ରେ ବିଜେପି ଛାଡ଼ି କଂଗ୍ରେସରେ ଯୋଗ ଦେଇଥିଲେ। ଚଳିତ ବିହାର ବିଧାନସଭା ନିର୍ବାଚନରେ ଶତ୍ରୁଘ୍ନଙ୍କ ପୁଅ ଲଭ ସିହ୍ନାଙ୍କୁ କଂଗ୍ରେସ ପାଟନାର ବାଙ୍କିପୁର ସିଟ୍‌ରେ ପ୍ରାର୍ଥୀ କରାଇଛି।