ଭୁବନେଶ୍ୱର: ଖସୁଛି ପାରଦ ଏଥିପାଇଁ ଦିନକୁ ଦିନ ରାଜ୍ୟରେ ବଢ଼ୁଛି ଥଣ୍ଡା। ତେବେ ଥଣ୍ଡା ବଢ଼ିବା କାରଣରୁ ଆଜି ସକାଳୁ ଭୁବନେଶ୍ୱର ସମେତ ରାଜ୍ୟର କିଛି ସ୍ଥାନରେ ଘନ କୁହୁଡ଼ିର ଆସ୍ତର ଦେଖାଯାଇଥିଲା। କୁହୁଡ଼ିର ଆସ୍ତରଣ ଅଧିକ ବହଳ କାରଣରୁ ଯାତାୟତ କରିବାରେ ଲୋକେ ବହୁ ଅସୁବିଧାର ସାମ୍ନା କରିଥିଲେ।
ସମସ୍ତେ ଗାଡ଼ିରେ ଲାଇଟ ଦେବା ସହ ହର୍ଣ୍ଣ ମାରି ରାସ୍ତାରେ ଯାତାୟତ କରୁଥିଲେ। ଭୁବନେଶ୍ୱର ସମେତ ଖୋର୍ଦ୍ଧା, କଟକ, କେନ୍ଦୁଝର, ଅନୁଗୁଳ, ଢେଙ୍କାନାଳ ଆଜି ଜିଲ୍ଲାରେ ଘନକୁହୁଡ଼ି ଦେଖିବାକୁ ମିଳିଥିଲା।
ଭୁବନେଶ୍ୱରରେ ଟ୍ରେନ୍ ଚଳାଚଳ ଠାରୁ ଆରମ୍ଭ କରି ବିମାନ ଚଳାଚଳରେ ମଧ୍ୟ ବିଳମ୍ଭ ହୋଇଛି। ଆଗାମୀ କିଛି ଦିନ ପାଇଁ ରାଜ୍ୟର ପାଣିପାଗ ମୁଖ୍ୟତଃ ଖରାଟିଆ ରହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି। ତେବେ ୨୧ ତାରିଖ ବେଳକୁ କେତେକ ଜିଲ୍ଲାରେ ବର୍ଷା ହେବାର ସମ୍ଭାବନା ରହିଛି।
Comments are closed.