ଖସୁଛି ପାରଦ, ୧୫ ଡିଗ୍ରୀ ତଳେ ୮ ସହର

ଭୁବନେଶ୍ବର: ରାଜ୍ୟରେ ଦିନକୁ ଦିନ ଖସୁଛି ପାରଦ। ଫଳରେ ଶୀତର ପ୍ରକୋପ ବଢିବାରେ ଲାଗିଛି। ରାଜ୍ୟର ବିଭିନ୍ନ ସହରରେ ସର୍ବନିମ୍ନ ତାପମାତ୍ରା ହ୍ରାସ ପାଇବାରେ ଲାଗିଛି। ରାଜ୍ୟର ୮ଟି ସହରର ତାପମାତ୍ରା ୧୫ଡିଗ୍ରୀ ତଳେ ରହିଛି। ସୁବର୍ଣ୍ଣପୁରର ତାପମାତ୍ରା ୧୧.୨ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ସୁବର୍ଣ୍ଣପୁର ରାଜ୍ୟର ସବୁଠୁ ଥଣ୍ଡା ସହର ପାଲଟିଛି।

ବିଭିନ୍ନ ସ୍ଥାନର ସର୍ବନିମ୍ନ ତାପମାତ୍ରା ମଧ୍ୟରେ ପୁଲବାଣୀ ୧୨.୫, ଦାରିଙ୍ଗିବାଡି ୧୨.୫, ଝାରସୁଗୁଡା ୧୨.୬, ବାରିପଦା ୧୩.୨, ଭବାନୀପାଟଣା ୧୩.୨, କେନ୍ଦୁଝର ୧୩.୪, ଅନୁଗୁଳ ୧୩.୬, ଭୁବନେଶ୍ୱର ୧୮.୧, କଟକ ୧୬ ଡିଗ୍ରୀ ସେଲସିୟସ ରହିଛି।