ମୁମ୍ବାଇ: ଟେଲିଭିଜନରେ ଦୁଃଖରେ ଶାୟା ଖେଳି ଯାଇଛି। କିଡନି ଜନିତ ସମସ୍ୟା କାରଣରୁ ଟେଲି କଳାକାର ଆଶିଷ ରଏ ମୃତ୍ୟୁ ବରଣ କରିଛନ୍ତି। ମୃ୍ତ୍ୟୁ ବେଳକୁ ତାଙ୍କୁ ୫୫ବର୍ଷ ବୟସ ହୋଇଥିଲା।ପୂର୍ବରୁ ତାଙ୍କର ସ୍ବାସ୍ଥ୍ୟାବସ୍ଥା ବିଗିଡ଼ିବାରୁ ତାଙ୍କୁ ଜୁହୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କ ଡାୟାଲିସିସ୍ ଚାଲିଥିଲା।
ସୂଚନାଅନୁସାରେ, ଆଶିଷ ରାୟଙ୍କୁ ଦୁଇଥର ପକ୍ଷାଘାତ ହୋଇଥିଲା। ଗତ ବର୍ଷ ଠାରୁ ତାଙ୍କର ସ୍ୱାସ୍ଥ୍ୟଗତ ସମସ୍ୟା ଦେଖା ଦେଇଥିଲା। କିନ୍ତୁ କିଛି ମାସ ହେଲା ତାଙ୍କ ସ୍ୱାସ୍ଥ୍ୟ ଅତ୍ୟନ୍ତ ଖରାପ ଥିଲା। ଏକ ଇଣ୍ଟରଭ୍ୟୁ ସେ କହିଥିଲେ ଯେ ସେ ବିବାହ କରିନାହାନ୍ତି, ଏକା ଅଛନ୍ତି ସେଥିପାଇଁ ବେଳେବେଳେ ସମସ୍ୟା ହୁଏ।
ଆଶିଷ ରଏ ଅନେକ ଧାରାବାହିକ ସସୁରାଲ ସିମର କା, ଜେନି ଅର ଜୁଜୁ, ତୁ ମେରେ ଅଗଲ ବଗଲ ହେ, ବା ବହୁ ଅର ବେବିରେ କାମ କରି ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିଲେ। ଖାଲି ସେତିକି ନୁହେଁ ଆଶିଷ ରାୟ ଟିଭି ଛଡା ହଲିଉଡ଼ ସିନେମାରେ ମଧ୍ୟ କାମ କରିଛନ୍ତି।
ସେ ହଲିଉଡ଼ ସିନେମାରେ ଡବିଙ୍ଗ କରିଛନ୍ତି। ସେ ଜଣେ ଭଏସ ଓଭର ଆର୍ଟିଷ୍ଟ ଥିଲେ। ସେ ସୁପରମ୍ୟାନ ରିଟର୍ନ, ଦ ଡାର୍କ ନାଇଟ, ଗର୍ଜିଆନ୍ସ ଅଫ ଦ ଗ୍ୟାଲେକ୍ସି, ଜୋକର ଭଳି ଅନେକ ଫିଲ୍ମରେ ଅନେକ ଚରିତ୍ର ପାଇଁ ଡବିଙ୍ଗ କରିଛନ୍ତି।
Comments are closed.