ଲକ୍ଷ୍ନୌ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆଜିଠାରୁ ରାଜ୍ୟ ସରକାର ମିଶନରେ ନିଯୁକ୍ତି ଆରମ୍ଭ କରିବାକୁ ଯାଉଛନ୍ତି। ଏହି ଅଭିଯାନ ଅଧିନରେ ସରକାର ୫୦ ଲକ୍ଷ ଯୁବକଙ୍କୁ ରୋଜଗାର ଦେବାକୁ ଲକ୍ଷ୍ୟ ରଖିଛନ୍ତି। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୁବକଙ୍କ ରୋଜଗାର ପାଇଁ ଏହି ଅଭିଯାନ ଆରମ୍ଭ କରିଛନ୍ତି।
ଏହି ଅଭିଯାନ ଅଧିନରେ ଯୁବକମାନଙ୍କୁ ରାଜ୍ୟରେ ଆତ୍ମନିଯୁକ୍ତି, ଦକ୍ଷତା ତାଲିମ ଏବଂ ଶିକ୍ଷାଦାନ ମାଧ୍ୟମରେ ନିଯୁକ୍ତି ଯୋଗାଇ ଦିଆଯିବ। ମିଶନ ରୋଜଗାର ଅଧିନରେ ରାଜ୍ୟ ସରକାର ଏହି ଆର୍ଥିକ ବର୍ଷ ଶେଷ ସୁଦ୍ଧା ୫୦ ଲକ୍ଷ ଯୁବକଙ୍କୁ ରୋଜଗାର ଯୋଗାଇବାକୁ ଯୋଜନା କରିଛନ୍ତି।
ମୁଖ୍ୟ ଶାସନ ସଚିବ ରାଜେନ୍ଦ୍ର କୁମାର ତିୱାରୀ ଏଥିପାଇଁ ରାଜସ୍ୱ ପରିଷଦ, କୃଷି ଉତ୍ପାଦନ କମିଶନର, ଭିତ୍ତିଭୂମି ଏବଂ ଶିଳ୍ପ ବିକାଶ କମିଶନର, ସମସ୍ତ ଅତିରିକ୍ତ ମୁଖ୍ୟ ସଚିବ, ମୁଖ୍ୟ ଶାସନ ସଚିବ, ସଚିବ, ସମସ୍ତ ବିଭାଗର ମୁଖ୍ୟ, ବିଭାଗୀୟ କମିଶନର ଏବଂ ଜିଲ୍ଲା ମାଜିଷ୍ଟ୍ରେଟଙ୍କୁ ନିର୍ଦ୍ଦେଶନାମା ଜାରି କରିଛନ୍ତି।
ଏହି ଅଭିଯାନ ବିଷୟରେ ସୂଚନା ପ୍ରଦାନ କରି ମୁଖ୍ୟ ଶାସନ ସଚିବ ରାଜେନ୍ଦ୍ର କୁମାର ତିୱାରୀ କହିଛନ୍ତି ଯେ, ଏହି ମିଶନ ଅଧିନରେ ବିଭିନ୍ନ ବିଭାଗ, ସଂଗଠନ, ସ୍ବେଚ୍ଛାସେବୀ ଅନୁଷ୍ଠାନ, ନିଗମ, ପରିଷଦ, ବୋର୍ଡ ଏବଂ ରାଜ୍ୟ ସରକାରଙ୍କ ବିଭିନ୍ନ ସ୍ଥାନୀୟ ସଂସ୍ଥା, ବିକାଶ କର୍ତ୍ତୃପକ୍ଷ ଏବଂ ଶିଳ୍ପ ବିକାଶ କର୍ତ୍ତୃପକ୍ଷ ସାମିଲ ହେବେ।
ଏହା ବ୍ୟତୀତ ଯୁବକମାନଙ୍କ ପାଇଁ ରୋଜଗାର ସୃଷ୍ଟି, ସ୍ବୟଂ ନିଯୁକ୍ତି, ଦକ୍ଷତା ତାଲିମ ଏବଂ ଶିକ୍ଷାଦାନ, ଜମି ବଣ୍ଟନ, ସର୍ବାଧିକ ନିଯୁକ୍ତି ସୃଷ୍ଟି, ବିଭିନ୍ନ ପ୍ରକାରର ଲାଇସେନ୍ସ ଏବଂ ଅନୁମତି ମାଧ୍ୟମରେ ସ୍ବୟଂ ନିଯୁକ୍ତି ସୁଯୋଗ ସୃଷ୍ଟି ପାଇଁ ଏକ ଅଭିଯାନ ଆରମ୍ଭ କରାଯିବ।
Comments are closed.