ମୁମ୍ବାଇ: ଟିଭି ଓ ସିନେମା ଦୁନିଆରେ ଶୋକର ଛାୟା ଖେଳି ଯାଇଛି। ପ୍ରସିଦ୍ଧ ଅଭିନେତା ରବି ପଟବର୍ଦ୍ଧନଙ୍କ ୮୩ ବର୍ଷ ବୟସରେ ପରଲୋକ। ସେ ହୃଦରୋଗରେ ପୀଡିତ ଥିଲେ।
ରବିଙ୍କୁ ଶନିବାର ରାତିରେ ନିଶ୍ବାସ ନେବାରେ କଷ୍ଟ ଅନୁଭବ ହୋଇଥିଲା। ଏହାପରେ ତାଙ୍କୁ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ତେବେ ତାଙ୍କ ସ୍ଥିତିରେ ସୁଧାର ଆସିନଥିଲା ଓ ରବିବାର ସକାଳେ ତାଙ୍କର ମୃତ୍ୟୁ ହୋଇଥିଲା।
ରବିଙ୍କୁ ଚଳିତ ବର୍ଷ ଆରମ୍ଭରୁ ହାର୍ଟ ଆଟାକ୍ ଆସିଥିଲା।ଲକଡାଉନ୍ ସମୟରୁ ହିଁ ରବି କାମ କରିବା ବନ୍ଦ କରିଦେଇଥିଲେ। କରୋନା କାରଣରୁ ତାଙ୍କର ସ୍ବାସ୍ଥ୍ୟବସ୍ଥାକୁ ଦେଖି ସୁଟିଂକୁ ଯାଉନଥିଲେ।
ରବି ତାଙ୍କ କ୍ୟାରିୟରରେ ୨୦୦ରୁ ଅଧିକ ସିନେମାରେ କାମ କରିସାରିଛନ୍ତି। ଏହାଛଡା ସେ ବହୁ ଟିଭି ସିରିଏଲରେ ମଧ୍ୟ ଅଭିନୟ କରିସାରିଛନ୍ତି। ସେ ମୁଖ୍ୟ ଭାବରେ ମରାଠୀ ସିନେମାରେ ସକ୍ରିୟ ଥିଲେ।
Comments are closed.