ମୁମ୍ବାଇ: ଦେଶରେ ଶୀତ ଲହରୀ ବଢ଼ୁଥିବାବେଳେ ବିଭିନ୍ନ ରାଜ୍ୟ ସରକାର ମଧ୍ୟ କରୋନା ସଂକ୍ରମଣକୁ ନଜରରେ ରଖି ପଦକ୍ଷେପ ନେବାକୁ ସ୍ଥିର କରିଲେଣି। ମହାରାଷ୍ଟ୍ର ସରକାରଙ୍କ ନିର୍ଦ୍ଦେଶ କ୍ରମେ ମଙ୍ଗଳବାରଠୁ ନାଇଟ୍ କର୍ଫ୍ୟୁ ଜାରି କରାଯିବ।
ରାତି ୧୧ରୁ ସକାଳ ୬ ପର୍ଯ୍ୟନ୍ତ ଲାଗୁ ହେବାକୁ ଥିବା ବେଳେ ୫ ଜାନୁଆରୀ ପର୍ଯ୍ୟନ୍ତ ଏହା ଚାଲିବ ବୋଲି ସୂଚନା ରହିଛି। ସୋମବାର ମଧ୍ୟାହ୍ନରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ରାଜ୍ୟର ବରିଷ୍ଠ ଅଧିକାରୀଙ୍କ ସହ ବୈଠକ ପରେ ଏହି ନିଷ୍ପତ୍ତି ନେଇଛନ୍ତି।
ସୂଚନା ଅନୁସାରେ, ବ୍ରିଟେନ୍ରେ ଦେଖିବାକୁ ମିଳୁଥିବା କରୋନା ଭୂତାଣୁର ନୂଆ ଷ୍ଟ୍ରେନ୍କୁ ନଜରରେ ରଖି ମହାରାଷ୍ଟ୍ର ସରକାର ଏହି ନିଷ୍ପତ୍ତି ନେଇଥିବା ଜଣାପଡ଼ିଛି। ଭାରତ ସରକାର ବ୍ରିଟେନ୍ରୁ ଆସିବାକୁ ଥିବା ସମସ୍ତ ବିମାନ ଉପରେ ରୋକ ଲଗାଇଛନ୍ତି।
Comments are closed.