ଶିଶୁପୁତ୍ରକୁ ବିକ୍ରି କରି ଆତ୍ମହତ୍ୟା କଲା ବାପା

ମାଲାକାନଗିରି: ଅର୍ଥ ଅଭାବରୁ ଶିଶୁପୁତ୍ରକୁ ବିକ୍ରି କରି ଆତ୍ମହତ୍ୟା କଲା ବାପା। ଦାରିଦ୍ର୍ୟତାର ଏଭଳି ଦାରୁଣ ରୂପ ଦେଖିବାକୁ ମଳିଛି ମାଲକାନଗିରି ଜିଲ୍ଲା ମାଥିଲି ଥାନା ଅନ୍ତର୍ଗତ ସପ୍ତଧାରା ଅଞ୍ଚଳରେ। ୪ ମାସର ଶିଶୁପୁତ୍ରକୁ ବିକ୍ରି କରି ଦୁଃଖରେ ଭାଙ୍ଗିପଡ଼ି ଆତ୍ମହତ୍ୟା କରିଛନ୍ତି ଅସହାୟ ବାପା। ମୃତକଜଣଙ୍କ ହେଲେ ସୋମନାଥ ଖିଲ

ମୂଲମଜୁରି ଲାଗି ୭ ପ୍ରାଣୀ କୁଟୁମ୍ବ ପୋଷୁଥିଲେ ସୋମନାଥ। ତେବେ କାମଧନ୍ଦା ନମିଳିବାରୁ ପରିବାର ପ୍ରତିପୋଷଣ କଷ୍ଟକର ହୋଇ ପଡିଥିଲା। ଶେଷରେ ୪ ବର୍ଷର ପୁଅ ବିକ୍ରି କରିବାକୁ ନିଷ୍ପତ୍ତି ନେଇଥିଲେ ସୋମନାଥ। ଶିଶୁକୁ ବିକ୍ରି ପରେ ଦୁଃଖରେ ଭାଙ୍ଗି ପଡ଼ିଥିଲେ ସୋମାନାଥ। ଶେଷରେ ଆତ୍ମହତ୍ୟା ଚରମ ନିଷ୍ପତ୍ତି ନେଇଛନ୍ତି ସୋମନାଥ। ଏବେ ସୋମନାଥଙ୍କ ଆତ୍ମହତ୍ୟା ପରେ ପୁଣି ଅସହାୟ ହୋଇପଡ଼ିଛି ପରିବାର।