କଟକ: କରୋନା କଟକଣା ଭିତରେ ଆଜିଠାରୁ ଖୋଲିବ ନେତାଜୀ ଜନ୍ମସ୍ଥାନ ସଂଗ୍ରହାଳୟ। ରାଜ୍ୟ ସରକାରଙ୍କ ସଂସ୍କୃତି ବିଭାଗ ପକ୍ଷରୁ ଏନେଇ ନିଷ୍ପତି ନିଆଯାଇଛି। ଚଳଚଞ୍ଚଳ ହୋଇଉଠିଛି ନେତାଜୀ ସଂଗ୍ରହାଳୟ। ନାନା ପ୍ରକାର ଫୁଲ ଗଛରେ ଝଲସି ଉଠୁଛି ପରିସର।
କଟକ ଓଡ଼ିଆ ବଜାରସ୍ଥିତ ନେତାଜୀ ସଂଗ୍ରହାଳୟର ରଙ୍ଗ କାମ ଓ ଗ୍ୟାଲେରୀ ସଂରକ୍ଷଣ କାମ ବି ଶେଷ ହୋଇଛି। ବଗିଚାରେ ଥିବା ବିଭିନ୍ନ ଫୁଲ ଗଛର ଫୁଲ ପରିବେଶକୁ ଆହୁରି ଆକର୍ଷଣୀୟ କରିଛି। ସଂଗ୍ରହାଳୟର ଗ୍ୟାଲେରିରେ ନେତାଜୀଙ୍କ ନିତ୍ୟ ବ୍ୟବହାର୍ଯ୍ୟ ଜିନିଷ ଛଡା ଏବେ ସ୍ଥାନ ପାଇବ ଛଅଟି ଫଟୋ ଓ ପାଞ୍ଚଟି ପୁସ୍ତକ। ଆସନ୍ତା ୨୩ ତାରିଖରେ ସ୍ବାଧୀନତା ସଂଗ୍ରାମୀ ନେତାଜୀ ସୁବାସ ଚନ୍ଦ୍ର ବୋଷଙ୍କ ଜନ୍ମ ଜୟନ୍ତ୍ରୀ ପାଳନ କରାଯିବ।
Comments are closed.