ଭୁବନେଶ୍ୱର: ବିଧାନସଭାର ବଜେଟ ଅଧିବେଶନ ଆସନ୍ତା ୧୮ ରୁ ଆରମ୍ଭ ହେବାକୁ ଯାଉଛି। ଅଧୀବେଶନ ପାଇଁ ସବୁ ରାଜନୈତିକ ଦଳ ରଣନୀତି ପ୍ରସ୍ତୁତ କରିଛନ୍ତି। ଶାସକ ଦଳକୁ ଗୃହରେ ଘେରିବା ପାଇଁ ବିରୋଧ ଲମ୍ବା ତାଲିକା ପ୍ରସ୍ତୁତ କରିଛନ୍ତି।
ଅଧୀବେଶନ ପାଇଁ ଲମ୍ବା ପ୍ରସଙ୍ଗ ତାଲିକା ଧରି ପ୍ରସ୍ତୁତ ହେଲେଣୀ ରାଜ୍ୟର ୩ ପ୍ରମୁଖ ରାଜନୈତିକ ଦଳ ବିଜେଡ଼ି-ବିଜେପି ଓ କଂଗ୍ରେସ। ଏଥର ଅଧିବେଶନରେ ମୁଖ୍ୟ ବିରୋଧି ବିଜେପି ମଣ୍ଡି ସମସ୍ୟା, କୋଟିଆ ନିବାଚନ, ବିପଯ୍ୟସ୍ତ ଆଇନ ଶୃଙ୍ଖଳା, ପାନୀୟ ଜଳ ସମସ୍ୟା ଆଦିକୁ ପ୍ରସଙ୍ଗ କରି ଗୃହରେ ଶାସନ ଦଳକୁ ଟାର୍ଗେଟ କରିବା ପାଇଁ ରଣନୀତି ପ୍ରସ୍ତୁତ କରିଛି।
ସେହିପରି ସମାନ ପ୍ରସଙ୍ଗ ସହ ବାଇ-ଲ, ପେଟ୍ରୋଲ, ଡ଼ିଜେଲ, ଗ୍ୟାସ ଦର ବୃଦ୍ଧି, ଓଡ଼ିଶା ପ୍ରତି କେନ୍ଦ୍ରର ଅବହେଳାକୁ ମୁଖ୍ୟ ପ୍ରସଙ୍ଗ କରିବ। ସେପଟେ ଶାସକ ଦଳ ରାଜ୍ୟ ସ୍ବାର୍ଥ ସମ୍ପକିତ ପ୍ରସଙ୍ଗ ଗୃହରେ ଉଠାଇବା ସହ ବାଇ-ଲ, ରେଳବାଇ କ୍ଷେତ୍ରରେ କେନ୍ଦ୍ରର ଅବେହଳା, କୋଇଲା ରୟାଲିଟି ବୃଦ୍ଧି ନେହବା, ଧାନ ସବସିଡ଼ି ବକେୟା ଆଦି ପ୍ରସଙ୍ଗକୁ ଗୃହରେ ଉଠାଇବ।
ଏହାସହ ବିରୋଧୀ ଯେଉଁସବୁ ପ୍ରସଙ୍ଗ ଗୃହରେ ଉଠାଇବ ତାହାକୁ ଆଲୋଚନା ମାଧ୍ୟମରେ ସାମାଧାନ କରିବାକୁ ଦଳ ପ୍ରସ୍ତୁତ ବୋଲି କହିଛି। ଆସନ୍ତା କାଲି ବଜେଟ ଅଧୀବେଶନକୁ ସୁରୁଖୁରୁରେ ସାରିବା ପାଇଁ ବାଚସ୍ପତି ସର୍ବଦଳୀୟ ବୈଠକ କରିବେ। ଏହାସହ ବିଜେଡ଼ି, ବିଜେପି ଓ କଂଗ୍ରେସର ବିଧାୟକ ଦଳ ବୈଠକ ବସିବ।
Comments are closed.