ଲଭ୍‌ ସେକ୍ସ ଧୋକା: ନାବାଳିକାକୁ ଗର୍ଭବତୀ କରି ଯୁବକ ଫେରାର

ବାଲେଶ୍ୱର: ବିବାହର ପ୍ରଲୋଭନ ଦେଖାଇ ଭିନ୍ନକ୍ଷମ ନାବାଳିକାକୁ ଦୁଷ୍କର୍ମ। ଏଭଳି ଏକ ଲଜ୍ଜାଜନକ ଘଟଣା ଘଟିଛି ବାଲେଶ୍ୱର ଜିଲ୍ଲା ଖଇରାରେ।

ସୂଚନା ମୁତାବକ, ଭିନ୍ନକ୍ଷମ ନାବାଳିକାକୁ ବିବାହର ପ୍ରଲୋଭନ ଦେଖାଇ ଦୁଷ୍କର୍ମ ଅଭିଯୋଗ। ନାବାଳିକା ୬ମାସର ଗର୍ଭବତୀ ଥିବା ମଧ୍ୟ ଅଭିଯୋଗ ହୋଇଛି। ନାବାଳିକାକୁ ଗର୍ଭବତୀ କରି ଯୁବକ ଫେରାର ହୋଇଯାଇଛି। ଏନେଇ ପିଡିତା ତାଙ୍କ ଭାଇ ଭାଉଜଙ୍କ ସହ ଆସି ଅଭିଯୋଗ କରିଥିବା ବେଳେ ଅଭିଯୁକ୍ତର ବାପାକୁ ଅଟକ ରଖି ତଦନ୍ତ ଚଳାଇଛି ପୁଲିସ।

ନାବାଳିକା ସହିତ ଖଇରା ଥାନା ଗଡ଼ପୋଖରୀ ପଞ୍ଚାୟତ ଶରତ ଗ୍ରାମର ସମ୍ପର୍କୀୟ ଦାଦା ପ୍ରଦୀପ ସେଠି ଦୀର୍ଘ ୬ମାସରୁ ଅଧିକ ଦିନ ଶାରିରୀକ ସମ୍ପର୍କରେ ଥିଲା। ନାବାଳିକା ଜଣଙ୍କ ଗର୍ଭବତୀ ହେବା ପରେ ଗର୍ଭପାତ କରିବା ପାଇଁ ବାଧ୍ୟ କରିଥିଲା ଅଭିଯୁକ୍ତ। ପରେ ନାବାଳିକା ଭାଇ ଭାଉଜଙ୍କୁ ଜଣାଇବା ପରେ ଫେରାର ହୋଇଯାଇଥିଲା ଅଭିଯୁକ୍ତ।