କ୍ଷୁଦ୍ର ରାମ ମନ୍ଦିର ନିର୍ମାଣ କରି ଚର୍ଚ୍ଚାରେ ଓଡ଼ିଆ ପୁଅ ଦିଲୀପ

ବ୍ରହ୍ମପୁର: କ୍ଷୁଦ୍ର ରାମ ମନ୍ଦିର ନିର୍ମାଣ କରି ଚର୍ଚ୍ଚାରେ ବ୍ରହ୍ମପୁରର କାଷ୍ଟଶିଳ୍ପୀ ଦିଲ୍ଲୀପ ମହାରଣା। ଅଯୋଧ୍ୟାରେ ହେବାକୁ ଥିବା ବିଶ୍ୱ ପ୍ରସିଦ୍ଧ ରାମ ମନ୍ଦିରର ନିର୍ମାଣ ପଛରେ ହିନ୍ଦୁ ମାନଙ୍କର ଭାବାବେଗକୁ ସମ୍ମାନ ଜଣାଇ ଦିଲୀପ କାଠରେ କ୍ଷୁଦ୍ର ରାମ ମନ୍ଦିରର ମଡେଲ ତିଆରି କରିଛନ୍ତି। ରାମ ନବମୀ ଅବସରରେ ତିନି ଇଞ୍ଚ ଉଚ୍ଚତା ବିଶିଷ୍ଠ ପ୍ରଭୁ ଶ୍ରୀ ରାମଙ୍କର ମନ୍ଦିର ନିର୍ମାଣ କରିଛନ୍ତି ଦିଲୀପ।

ଦିଲୀପ କାଠରେ ତିଆରି କରିଥିବା ଅନେକ କଳାକୃତି ମଧ୍ୟରେ ରାମ ମନ୍ଦିର ନିର୍ମାଣ କଷ୍ଟ ସାଧ୍ୟ ଥିଲା ଏବଂ ଏହାକୁ ନିର୍ମାଣ କରିବାକୁ ତାଙ୍କୁ ଏକ ସପ୍ତାହରୁ ମଧ୍ୟ ଅଧିକା ସମୟ ଲାଗିଥିବା ନେଇ ଯେ କହିଛନ୍ତି। ଅଯୋଧ୍ୟା ଭବ୍ୟ ରାମ ମନ୍ଦିରର ସମ୍ପୂର୍ଣ୍ଣ ଅବିକଳ ଢାଞ୍ଚା ସେ ଗୁଗଲରୁ ଯାହା ସବୁ ତଥ୍ୟ ରାମ ମନ୍ଦିର ସମ୍ପର୍କରେ ପାଇଲେ ସେ ଅନୁସାରେ ସେ ତିଆରି କରିବାକୁ ଚେଷ୍ଟା କରିଛନ୍ତି।

ରାମ ମନ୍ଦିରର ସମସ୍ତ ୮୪ ଖମ୍ବ ସମେତ ମୁଖ୍ୟ ମନ୍ଦିର ବେଢା ପାଶ୍ୱ ମନ୍ଦିର ଚାରିଟି ଗମ୍ବୁଜ ସହ ଅବିକଳ ଯାହା ରାମ ମନ୍ଦିର ସେପରି ମଡେଲ ତିଆରି କରିଛନ୍ତି। ଏହା ରାମ ମନ୍ଦିରର ସବୁଠାରୁ କ୍ଷୁଦ୍ରତମ ମଡେଲ ବୋଲି ସେ କହିଛନ୍ତି। ସେ ଏହି ମନ୍ଦିରକୁ ଏସିଆ ବୁକ ଅଫ ରେକର୍ଡ୍ସ ଏବଂ ଗିନିଜ ବୁକ ପାଇଁ ଆବେଦନ କରିଛନ୍ତି।

ଏହି କ୍ଷୁଦ୍ର ରାମ ମନ୍ଦିରର ମଡେଲକୁ ଧର୍ମେନ୍ଦ୍ର ପ୍ରଧାନଙ୍କର ମାଧ୍ୟମରେ ଦେଶର ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କୁ ଉପହାର ଭାବରେ ଦେବା ପାଇଁ ଆଶା କରିଛନ୍ତି। ପ୍ରଭୁ ଶ୍ରୀ ରାମଙ୍କର ଏହି ମନ୍ଦିର ତିଆରିରେ ଦିଲୀପଙ୍କୁ ତାଙ୍କ ବାପା ଭଗବାନ ଏବଂ ଭାଇ ମନୋଜ ସହଯୋଗ କରିଥିଲେ। ଏଭକି କଳାକୃତି ଦେଖି ଦିଲୀପଙ୍କ ଅଞ୍ଚଳ ବାସୀ ତାଙ୍କୁ ଭୁୟସୀ ପ୍ରଶଂସା କରିଛନ୍ତି।

ପୂର୍ବରୁ ଦଶହରା ସମୟରେ ଦିଲୀପ ମା ଦୁର୍ଗାଙ୍କର ଏକ ଇଞ୍ଚ ବିଶିଷ୍ଟ କାଠରେ ତିଆରି ମା ଦୁର୍ଗାଙ୍କର ପ୍ରତିମା ନିର୍ମାଣ କରିଥିଲେ। ଯାହା ଇଣ୍ଡିଆ ବୁକ ଏବଂ ଏସିଆ ବୁକ ଅଫ ରେକର୍ଡ୍ସରେ ସ୍ଥାନିତ ହୋଇଛି। ଇଣ୍ଡିଆ ବୁକ ଅଫ ରେକର୍ଡ୍ସରେ ତାହା ବିଶ୍ୱର କ୍ଷୁଦ୍ରତମ ମୂର୍ତ୍ତି ବୋଲି ସ୍ଥାନିତ ହୋଇଥିଲା।