ରାଜରାସ୍ତାରୁ ୫ ଭାଲୁ ଛୁଆ ଉଦ୍ଧାର

ଖୋର୍ଦ୍ଧା: ଖୋର୍ଦ୍ଧା ପିତାପଲ୍ଲୀ ନିକଟରୁ ୫ ଭାଲୁ ଛୁଆ ଉଦ୍ଧାର। ଭାଲୁ ଛୁଆ ମାନେ ରାସ୍ତା ଉପରେ ଖେଳୁଥିବା ବେଳେ ସ୍ଥାନୀୟ ଲୋକେ ଦେଖିଥିଲେ। ପରେ ଏନେଇ ଚନ୍ଦକା ଥାନାର ପିସିଆରାରେ ଖବର ଦେବାରୁ ପୋଲିସ ଘଟଣାସ୍ଥଳରେ ପହଞ୍ଚିଥିଲା।

ପୋଲିସ ପହଞ୍ଚିବା ବେଳକୁ ସମସ୍ତେ ଭାଲୁ ଛୁଆ ମାନେ ରାସ୍ତା ଉପରେ ଖେଳୁଥିଲେ। ପ୍ରଥମେ ଭାଲୁ ଛୁଆ ମାନଙ୍କୁ ଓୟୁଏଟି ନିଆଯାଇ ସ୍ବାସ୍ଥ୍ୟ ପରୀକ୍ଷା କରିବା ପରେ ନନ୍ଦନକାନନ ନିଆଯିବ ବୋଲି ସୂଚନା ମିଳୁଛି। ତେବେ ଖୋର୍ଦ୍ଧା ପିତାପଲ୍ଲୀ ନିକଟରୁ ଏହି ୫ ଭାଲୁ ଛୁଆ କେଉଁଠୁ ଆସିଲେ ତାହା ଜଣାପଡ଼ିନାହିଁ।