କରୋନାରେ ଗ୍ୟାଙ୍ଗଷ୍ଟର ଛୋଟା ରାଜନର ମୃତ୍ୟୁ

ନୂଆଦିଲ୍ଲୀ: ଅଣ୍ଡରୱାର୍ଲ୍ଡ ଡନ୍ ତଥା ଗ୍ୟାଙ୍ଗଷ୍ଟର ଛୋଟା ରାଜନର କରୋନାରେ ମୃତ୍ୟୁ। ଶୁକ୍ରବାର ଦିଲ୍ଲୀ ଏମସରେ କୋଭିଡରେ ଆକ୍ରାନ୍ତ ହୋଇ ମୃତ୍ୟୁ ହୋଇଛି। ରାଜେନ୍ଦ୍ର ନିକଲଜେ ଓରଫ ଛୋଟା ରାଜନକୁ ଏପ୍ରିଲ ୨୬ ରେ ଏମସରେ ଭର୍ତ୍ତି କରାଯାଇଥିଲା ଏବଂ ଆଜି କୋଭିଡରେ ମୃତ୍ୟୁ ହୋଇଛି।

୨୦୧୫ ମସିହାରେ ଇଣ୍ଡୋନେସିଆରୁ ଗିରଫ ହେବା ପରେ ଛୋଟା ରାଜନକୁ ନୂଆଦିଲ୍ଲୀର ଉଚ୍ଚ ସୁରକ୍ଷା ବିଶିଷ୍ଟ ତିହାର ଜେଲରେ ରଖାଯାଇଥିଲା। ଏପ୍ରିଲ୍ ୨୬ ରେ, ତିହାର ଜେଲ୍ ଅଧିକାରୀ ସେଶନ କୋର୍ଟକୁ ସୂଚନା ଦେଇଥିଲେ କୋଭିଡ୍ ପଜିଟିଭ୍ କାରଣରୁ ବିଚାରପତିଙ୍କ ସମ୍ମୁଖରେ ଭିଡିଓ କନଫରେନ୍ସ ମାଧ୍ୟମରେ ଗ୍ୟାଙ୍ଗଷ୍ଟରକୁ ହାଜର କରାଯାଇପାରିବନାହିଁ। ମହାରାଷ୍ଟ୍ରରେ ୭୦ ଟି ଅପରାଧିକ ମାମଲାରେ ଅଭିଯୁକ୍ତ ଥିଲା ଛୋଟା ରାଜନ।