ମହାଦେବଙ୍କୁ ଜପ କରିବା କୋଭିଡକୁ ଓପାଡି ଫୋପାଡି ଦେବା: କଙ୍ଗନା ରାଣାୱତ୍

ମୁମ୍ୱାଇ: କରୋନା ଆକ୍ରାନ୍ତ ହେଲେ ବଲିଉଡର ଆଉ ଜଣେ ଅଭିନେତ୍ରୀ କଙ୍ଗନା ରାଣାୱତ୍। କଙ୍ଗନାଙ୍କ କରୋନା ରିପୋର୍ଟ ପଜିଟିଭ୍ ଆସିବା ନେଇ ସେ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି। କରୋନା ସଂକ୍ରମିତ ଚିହ୍ନଟ ହେବା ପରେ ସେ ନିଜକୁ କ୍ୱାରେଣ୍ଟାଇନରେ ରଖିଛନ୍ତି।

କଙ୍ଗନା ନିଜ ଇନଷ୍ଟାଗ୍ରାମରେ ପୋଷ୍ଟ ଲେଖିଛନ୍ତି ଯେ, ମୁଁ କିଛି ଦିନ ହେବ ଥକ୍କା ଅନୁଭବ କରୁଥିଲି। ଏପରିକି ଆଖି ମଧ୍ୟ ପୋଡୁଥିଲା । ହିମାଚଳ ପ୍ରଦେଶ ଯିବାକୁ ଚାହୁଁଥିଲି। ଏଥିପାଇଁ ଗତକାଲି ମୋର କୋଭିଡ୍ ଟେଷ୍ଟ କରାଯାଇଥିଲା। ହେଲେ ଆଜି ରିପୋର୍ଟ ପଜିଟିଭ୍ ଆସିଛି। ସେଥିପାଇଁ ମୁଁ ମୋ ନିଜକୁ କ୍ଵାରେଣ୍ଟାଇନରେ ରଖିଛି।

https://www.instagram.com/kanganaranaut/?utm_source=ig_embed

ମୋତେ ଜଣା ନଥିଲା ଯେ, ଏହି ଭାଇରସ୍ ମୋ ଶରୀରରେ ଥିଲା। ହେଲେ ମୁଁ ଡରିବାର ନାହିଁ,ଏହି ଭୂତାଣୁକୁ ମୁଁ ମୋ ଶରୀରରୁ ଧ୍ଵସ୍ତ କରିଦେବି। କାରଣ ମୋ ଉପରେ ମହାଦେବଙ୍କ ଶକ୍ତି ଅଛି। ଆସନ୍ତୁ ମହାଦେବଙ୍କୁ ଜପ କରିବା କୋଭିଡକୁ ଓପାଡି ଫୋପାଡିଦେବା। ଆପଣମାନେ ମଧ୍ୟ ମୋ ଭଳି ନଡରି କରୋନାରୁ ହରାନ୍ତୁ। ଏହା ଏକ ସ୍ୱଳ୍ପ ଫ୍ଲୁ, ଆଉ କିଛି ନୁହେଁ ସେଥିପାଇଁ ଡରିବାର ଆବଶ୍ୟକ ନାହିଁ। ହର ହର ମହାଦେବ।