ନୂଆଦିଲ୍ଲୀ: ଦିଲ୍ଲୀ ଏମ୍ସରେ ନିଆଁ। ସୋମବାର ସକାଳ ୫ ଟା ସମୟରେ ଲାଗିଥିଲା ନିଆଁ। ଯାହାକୁ ନେଇ କିଛି ସମୟ ପାଇଁ ଭୟର ବାତାବାରଣ ସୃଷ୍ଟି ହୋଇଥିଲା। ହେଲେ ଦମକଳ ବାହିନୀ ପହଁଞ୍ଚି ନିଆକୁ ଆୟତ୍ତ କରିବାରେ ସଫଳ ହୋଇଥିଲା।
ଦମକଳ ବିଭାଗ ପକ୍ଷରୁ କୁହାଯାଇଛି ଯେ, ନିଆଁ ବଡ଼ ଧରଣର ଲାଗି ନଥିଲା। ଆମେ କିଛି ସମୟ ମଧ୍ୟରେ ନିଆଁକୁ ଆୟତ୍ତ କରିବାରେ ସଫଳ ହୋଇଥିଲୁ। କୌଣସି ପ୍ରକାର କ୍ଷତି ହୋଇ ନାହିଁ ବୋଲି ଦମକଳ ବିଭାଗ ପକ୍ଷରୁ କୁହାଯାଉଛି।
ଡିଏସପି ଅତୁଲ ଠାକୁର କହିଛନ୍ତି ଯେ, ହସ୍ପିଟାଲର କାଜୁଆଲିଟି ଅଞ୍ଚଳରେ ଥିବା ଡମି ରୁମରେ ସକାଳେ ନିଆଁ ଲାଗିଥିବାର ଦେଖିବାକୁ ମିଳିଥିଲା ପରେ ନିଆଁ ବ୍ୟାପିଥିଲା। ସେହି ସମୟରେ ସେ ନିକଟରେ ଥିବା ସମସ୍ତ ରୋଗୀ ଓ ତାଙ୍କ ସମ୍ପର୍କୀୟଙ୍କୁ ତତ୍କାଳ ବାହାରକୁ ବାହାର କରାଯାଇଥିଲା। ଏହାପରେ ଦମକଳ ବାହିନୀଙ୍କୁ ନିଆଁ ଲାଗିବା ଖବର ଦିଆଯାଇଥିଲା।
Sparking & smoke seen in a dummy room of AIIMS Hospital near the casualty area. All patients were evacuated from the affected area. Seven fire brigade vehicles reached the spot & extinguished the fire. No injury reported. Cause of fire yet to be ascertained: DCP South Atul Thakur pic.twitter.com/7jvAcqhD18
— ANI (@ANI) June 28, 2021
ସୂଚନା ପାଇବା ପରେ ଦମକଳ ବାହିନୀର ୭ଟି ଗାଡ଼ି ଆସି ନିଆଁକୁ ଆୟତ୍ତ କରିବାରେ ସଫଳ ହୋଇଥିଲେ। ଏପର୍ଯ୍ୟନ୍ତ ନିଆଁ ଲାଗିବାର କାରଣ କ’ଣ ତାହା ସ୍ପଷ୍ଟ ହୋଇନାହିଁ। ଏନେଇ ଅଧିକ ତଦନ୍ତ ଚାଲିଥିବା କହିଛନ୍ତି ଡିଏସପି।