ରାଜ୍ୟରେ ୧ କୋଟି ଅତିକ୍ରମ କଲା ପ୍ରଥମ ଡୋଜ୍ ଟିକାକରଣ

ଭୁବନେଶ୍ବର: ରାଜ୍ୟରେ ରେକର୍ଡ଼ କଲା କରୋନା ଟିକାକରଣ। ବର୍ତ୍ତମାନ ସୁଦ୍ଧା ପ୍ରଥମ ଡୋଜ୍ ଟିକାକରଣ ସଂଖ୍ୟା ଏକ କୋଟି ଟପିସାରିଛି। ଏନେଇ ସ୍ବାସ୍ଥ୍ୟ ଓ ପରବାର କଲ୍ୟାଣ ବିଭାଗ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି।

ବହୁ ରାଜ୍ୟକୁ ପଛରେ ପକାଇ ନୂଆ ରେକର୍ଡ ସୃଷ୍ଟି କରିଛି ଓଡ଼ିଶା। ତେବେ ଏହାର ଶ୍ରେୟ ଓଡ଼ିଶାବାସୀ ଓ ସ୍ବାସ୍ଥ୍ୟକର୍ମୀଙ୍କୁ ଦିଆଯାଇଛି। ରାଜ୍ୟରେ ଟିକା ଅପଚୟ ଅନ୍ୟ ରାଜ୍ୟ ତୁଳନାରେ ଢେର କମ ରହିଛି।

କିଭଳି ସୁରୁଖୁରୁରେ ସମସ୍ତେ ଟିକା ନେଇପାରିବେ ତାହା ଉପରେ ଗୁରୁତ୍ବ ଦେଇଛନ୍ତି ଓଡ଼ିଶା ସରକାର। ସମସ୍ତଙ୍କୁ ଟିକାକରଣରେ ସାମିଲ କରିବା ପାଇଁ ଲକ୍ଷ୍ୟ ଥିବାବେଳେ ଅଧିକରୁ ଅଧିକ ଟିକା ଓଡ଼ିଶା ଦାବି କରୁଛି।