ଦଳ ଭାଙ୍ଗିଲେ ରଜନୀକାନ୍ତ, ଆଉ କରିବେନି ରାଜନୀତି

ନୂଆଦିଲ୍ଲୀ: ରାଜନୀତିରୁ ବିଦାୟ ନେଲେ ସାଉଥ ସୁପରଷ୍ଟାର ରଜନୀକାନ୍ତ। ସେ ଆଉ ରାଜନୀତିକୁ ଫେରିବେ ନାହିଁ ବୋଲି ନେଇଛନ୍ତି ନିଷ୍ପତ୍ତି। ରଜନୀକାନ୍ତ ତାଙ୍କ ଦଳ ‘ରଜନୀ ମକ୍କଲ ମନ୍ଦ୍ରମ’କୁ ଭାଙ୍ଗି ଦେଇଛନ୍ତି। ଏଥିସହ ସେ ଆଉ କେବେ ବି ରାଜନୀତିରେ ପ୍ରବେଶ କରିବେ ନାହିଁ ବୋଲି କହିଛନ୍ତି।

‘ରଜନୀ ମକ୍କଲ ମନ୍ଦ୍ରମ’ ଦଳକୁ ଭାଙ୍ଗି ରଜନୀକାନ୍ତ କହିଛନ୍ତି, ଭବିଷ୍ୟତରେ ରାଜନୀତିରେ ପ୍ରବେଶ କରିବାର ମୋର କୌଣସି ଯୋଜନା ନାହିଁ। ମୁଁ ରାଜନୀତିରେ ପ୍ରବେଶ କରିବାକୁ ଆଉ ଇଚ୍ଛୁକ ନୁହେଁ।

ରଜନୀକାନ୍ତଙ୍କ ତରଫରୁ କୁହାଯାଇଛି ଯେ, ଗଠିତ ସଂଗଠନ ବର୍ତ୍ତମାନ ରଜନୀ ରସିଗର ନରପାନି ମନ୍ଦରାମ ନାମରେ ଜନସାଧାରଣଙ୍କ ମଙ୍ଗଳ ପାଇଁ କାମ କରିବ। ପାର୍ଟି ଅଫିସରେ କର୍ମଚାରୀଙ୍କ ସହ ଆଲୋଚନା କରିବା ପରେ ଏହି ନିଷ୍ପତ୍ତି ନେଇଛନ୍ତି। ରଜନୀକାନ୍ତ ତାଙ୍କ ପ୍ରଶଂସକଙ୍କ ସହ ଏକ ବୈଠକ ମଧ୍ୟ କରିଥିଲେ।

ଡିସେମ୍ବର ୨୦୨୦ ରେ ରଜନୀକାନ୍ତ ରାଜନୀତିରେ ପ୍ରବେଶ ନକରିବାକୁ ଘୋଷଣା କରିଥିଲେ। ତେବେ ଏହା ପରେ ସେ ଏହାର ପୁନର୍ବିଚାର କରିବାକୁ କହିଥିଲେ। ଏଭଳି ପରିସ୍ଥିତିରେ ସମସ୍ତ ପ୍ରକାର କଳ୍ପନାଜଳ୍ପନା କରାଯାଉଥିଲା। ଏବେ ରଜନୀ ସମସ୍ତ କଳ୍ପନା ଜଳ୍ପନା ଉପରେ ପୂର୍ଣ୍ଣଛେଦ ପକାଇଛନ୍ତି। ଭବିଷ୍ୟତରେ ରଜନୀକାନ୍ତ ରାଜନୀତିରେ ପ୍ରବେଶ କରିବେ ନାହିଁ ବୋଲି କହିଛନ୍ତି।