ସାଉଥ୍ ସୁପରଷ୍ଟାର ବିଜୟଙ୍କ ଉପରେ ଟ୍ୟାକ୍ସ ଫାଙ୍କିବା ଅଭିଯୋଗ, ଜରିମାନା ଲଗାଇଲେ କୋର୍ଟ

ମାଡ୍ରାସ: ସାଉଥ ସୁପରଷ୍ଟାର ବିଜୟଙ୍କ ଉପରେ ଟ୍ୟାକ୍ସ ଫାଙ୍କିଥିବା ଅଭିଯୋଗ। ବିଜୟ ୨୦୧୨ ମସିହାରେ ତାଙ୍କ ଦ୍ୱାରା କିଣାଯାଇଥିବା ତାଙ୍କର ଏକ କାର ଉପରେ ଟ୍ୟାକ୍ସ ନଦେବାକୁ ଚେଷ୍ଟା କରିଥିଲେ। ମାଡ୍ରାସ ହାଇକୋର୍ଟ ଅଭିନେତା ବିଜୟଙ୍କ ଉପରେ କହିଛନ୍ତି ଯେ, ରିଏଲ ଲାଇଫ ହିରୋ ଟ୍ୟାକ୍ସ ଦେବାକୁ ଦ୍ୱିଧା କରୁଛନ୍ତି। ଅଭିନେତା ବିଜୟଙ୍କ ଉପରେ କୋର୍ଟ ଏକ ଲକ୍ଷ ଟଙ୍କା ଜରିମାନା କରିଛନ୍ତି।

୨୦୧୨ ମସିହାରେ ସୁପରଷ୍ଟାର ବିଜୟ ଇଂଲଣ୍ଡରୁ ନିଜ ପାଇଁ ରୋଲ୍ସ ରୋଏସ୍ ଘୋଷ୍ଟ କାର୍ ଆମଦାନୀ କରିଥିଲେ। ତାପରେ ବିଜୟ ଏକ ପିଟିସନ୍ ଦାୟର କରି ଗାଡି ଆମଦାନୀ ଉପରେ ଲାଗୁଥିବା ଏଣ୍ଟ୍ରି ଟ୍ୟାକ୍ସରେ ରିଲିଫ୍ ପାଇଁ ଆବେଦନ କରିଥିଲେ। କୋର୍ଟ ବର୍ତ୍ତମାନ ଏହି ଆବେଦନକୁ ଖାରଜ କରିଛନ୍ତି ଏବଂ ବିଜୟଙ୍କ ଉପରେ ଟ୍ୟାକ୍ସ ନଦେବା ଅଭିଯୋଗରେ ୧ ଲକ୍ଷ ଟଙ୍କା ଜରିମାନା କରିଛନ୍ତି।

ବାଣିଜ୍ୟିକ ଟ୍ୟାକ୍ସ ବିଭାଗ ଦ୍ୱାରା ଲାଗୁ ହୋଇଥିବା ଟ୍ୟାକ୍ସ ବିରୋଧରେ ଅଭିନେତା କୋର୍ଟରେ ଆବେଦନ କରିଥିଲେ। ବର୍ତ୍ତମାନ ଏହି ଟଙ୍କା କୋଭିଡ -୧୯ ବିରୋଧରେ ଲଢିବା ପାଇଁ ତାମିଲନାଡୁର ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରେ ଜମା ହେବ।

କେବଳ ଏତିକି ନୁହେଁ, ଆବେଦନକୁ ପ୍ରତ୍ୟାଖ୍ୟାନ କରି କୋର୍ଟ କହିଛନ୍ତି ଯେ ‘ତାଙ୍କର ଲକ୍ଷ ଲକ୍ଷ ପ୍ରଶଂସକ ଅଛନ୍ତି। ସମସ୍ତ ପ୍ରଶଂସକ ଫିଲ୍ମ ଷ୍ଟାରଙ୍କୁ ପ୍ରକୃତ ହିରୋ ପରି ଦେଖନ୍ତି। ତାମିଲନାଡୁ ପରି ଏକ ରାଜ୍ୟରେ, ଯେଉଁଠାରେ ଫିଲ୍ମ ଷ୍ଟାରମାନଙ୍କର ରାଜ୍ୟ ପରିଚାଳନା କରିବାର କ୍ଷମତା ରହିଛି, ସେମାନଙ୍କ ଠାରୁ ଏହା ଆଶା କରାଯାଇ ନପାରେ। ଟ୍ୟାକ୍ସ ଚୋରି କରିବା ଅସାମ୍ବିଧାନିକ ଅଟେ।’