ଟିକାର ମିଶ୍ରିତ ଡୋଜ ପରୀକ୍ଷଣକୁ ଅନୁମତି, ଜଣେ ବ୍ୟକ୍ତି ନେଇପାରିବେ ଦୁଇଟି ଭିନ୍ନ ଟିକା

ନୂଆଦିଲ୍ଲୀ: କରୋନା ଟିକାର ମିଶ୍ରିତ ଡୋଜକୁ ସାମିଲ କରିବାକୁ ସରକାର ବୈଜ୍ଞାନିକଙ୍କ ଅଧ୍ୟୟନକୁ ଅନୁମତି ଦେଇଛନ୍ତି। ଏଣିକି ଜଣେ ବ୍ୟକ୍ତି ନେଇପାରେବି ଦୁଇଟି ଭିନ୍ନ ଟିକା। ଏକ୍ସପର୍ଟ ୱାର୍କିଂ କମିଟି (SEC)ର ଏକ ବୈଠକରେ ଏହି ନିଷ୍ପତ୍ତି ହୋଇଛି। ଏହି ଅଧ୍ୟୟନ ଶୀଘ୍ର ଦେଶର ଡାକ୍ତରଖାନା ଗୁଡ଼ିକରେ ଆରମ୍ଭ ହେବ। କମିଟିର ଜଣେ ବରିଷ୍ଠ ସଦସ୍ୟ କହିଛନ୍ତି ଯେ, ବର୍ତ୍ତମାନ ପର୍ଯ୍ୟନ୍ତ ଅନେକ ଦେଶରେ ସମାନ ବ୍ୟକ୍ତିଙ୍କୁ ଦୁଇଟି ଭିନ୍ନ ଟିକା ଦିଆଯାଉଛି।

ଭାରତରେ, ନିକଟରେ ଉତ୍ତରପ୍ରଦେଶରେ ଏପରି ଏକ ଘଟଣା ରିପୋର୍ଟ କରାଯାଇଥିଲା ଯାହା ଅବହେଳା ବୋଲି ବିବେଚନା କରାଯିବ କାରଣ ଆମେ ଏପର୍ଯ୍ୟନ୍ତ ଟୀକାକରଣ କାର୍ଯ୍ୟକ୍ରମରେ ମିଶ୍ରିତ ମାତ୍ରା ଅନ୍ତର୍ଭୂକ୍ତ କରିନାହୁଁ। ସେ କହିଛନ୍ତି ଯେ, ମିଶ୍ରିତ ଡୋଜ ବିଷୟରେ ସିଏମସି ଭେଲୋରର ବିଶେଷଜ୍ଞଙ୍କଠାରୁ ମଧ୍ୟ ଏକ ପ୍ରସ୍ତାବ ଗ୍ରହଣ କରାଯାଇଛି। ବର୍ତ୍ତମାନ ଏହା ଉପରେ ଅଧ୍ୟୟନ ପାଇଁ ଅନୁମତି ଦିଆଯାଇଛି।

ଅଧ୍ୟୟନର ଭଲ ଫଳାଫଳ ପାଇବା ପରେ ଆଗାମୀ ଦିନରେ ଏହାକୁ ଟିକାକରଣରେ ଅନ୍ତର୍ଭୁକ୍ତ କରାଯିବ ବୋଲି ସେ ଆଶା ପ୍ରକଟ କରିଛନ୍ତି। ବର୍ତ୍ତମାନ ସମଗ୍ର ପ୍ରକ୍ରିୟା ଅତି କମରେ ତିନିରୁ ଚାରି ମାସ ସମୟ ନେଇପାରେ। କମିଟି ସଦସ୍ୟ କହିଛନ୍ତି ଯେ, କୋଭିଶିଲ୍ଡ ଏବଂ କୋଭାକ୍ସିନ୍ ମିଶ୍ରଣରୁ କୌଣସି ପ୍ରତିକୂଳ ପ୍ରଭାବ ରିପୋର୍ଟ କରାଯାଇ ନାହିଁ।

ଉତ୍ତରପ୍ରଦେଶ ଘଟଣାରେ ମଧ୍ୟ ସେପରି କୌଣସି ମାମଲା ପରେ ମିଳିଲା ନାହିଁ। ତେଣୁ, ଏହା ସମ୍ଭବ ଯେ ବୈଜ୍ଞାନିକ ଅଧ୍ୟୟନରେ କରୋନା ଭୂତାଣୁ ଏବଂ ଆଡେନୋ ଭୂବାଣୁରେ ନିର୍ମିତ ଦୁଇଟି ଭିନ୍ନ ଟିକା ସମାନ ଶରୀରରେ ସମାନ ପ୍ରଭାବ ଦେଖାଇବ। ଏହି ସମୟ ମଧ୍ୟରେ ନାକ ଟିକା ମଧ୍ୟ ଅନ୍ତର୍ଭୂକ୍ତ କରାଯିବ କାରଣ ଏହା ପିଲାମାନଙ୍କର ଟୀକାକରଣକୁ ତ୍ୱରାନ୍ୱିତ କରିପାରିବ । ବର୍ତ୍ତମାନ ଏହି ଟିକା ଉପରେ ପ୍ରଥମ ପର୍ଯ୍ୟାୟ ପରୀକ୍ଷା ଚାଲିଛି ।