ଜମ୍ମୁ କାଶ୍ମୀରରେ ଆତଙ୍କବାଦୀ ଆକ୍ରମଣ ପଣ୍ଡ, ୪ ଆତଙ୍କୀ ଗିରଫ

ଶ୍ରୀନଗର: ଜମ୍ମୁ କାଶ୍ମୀରରେ ଆତଙ୍କବାଦୀ ଆକ୍ରମଣ ପଣ୍ଡ। ଜମ୍ମୁକାଶ୍ମୀରରୁ ୪ ଜଣ ଆତଙ୍କୀଙ୍କୁ ଗିରଫ କରିବା ସହ ଏକ ବଡ ଧରଣର ଆତଙ୍କବାଦୀ ଆକ୍ରମଣ ଯୋଜନାକୁ ବିଫଳ କରିଛନ୍ତି ଭାରତୀୟ ସୁରକ୍ଷା ବଳ।

ଜମ୍ମୁକାଶ୍ମୀରରେ ୪ ଜଣ ଜୈସ ଏ ମହମ୍ମଦ ଆତଙ୍କବାଦୀଙ୍କୁ ଗିରଫ କରାଯିବା ସହ ବିପୁଳ ଆଇଡି ବିସ୍ଫୋରକ ଜବତ କରାଯାଇଛି। ଏହି ଆତଙ୍କୀ ମାନେ ଡ୍ରୋନ ଏବଂ ଅନ୍ୟାନ୍ୟ ଅସ୍ତ୍ରଶସ୍ତ୍ର ସଂଗ୍ରହ କରିବାକୁ ଯୋଜନା କରୁଥିବା ପୋଲିସ ପକ୍ଷରୁ କୁହାଯାଇଛି । ଏହି ଘଟଣା ପରେ ଜମ୍ମୁ କଶ୍ମୀରରେ ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଛି।

ପୁଲୱାମାର ପ୍ରିଚୁ ଅଞ୍ଚଳରୁ ମୁନ୍ତାଜିର ମଞ୍ଜୁର ନାମକ ଅଭିଯୁକ୍ତକୁ ଗିରଫ କରାଯିବା ସହିତ ଜେରା ପରେ ଅନ୍ୟ ୩ ଆତଙ୍କୀଙ୍କୁ ଗିରଫ କରାଯାଇଥିଲା। ମଞ୍ଜୁର ନିକଟାୂ ଗୋଟିଏ ପିସ୍ତଲ, ୮ ରାଉଣ୍ଡ ଜୀବନ୍ତ ଗୁଳି, ଦୁଇଟି ଚାଇନିଜ୍ ହ୍ୟାଣ୍ଡ ଗ୍ରେନେଡ ଜବତ କରାଯାଇଥିଲା। ଏହା ସହ ଆଇଇଡି ବିସ୍ଫୋରକ ସଞ୍ଜୁକ୍ତ କରାଯାଇଥିବା ଏକ ବାଇକ୍ ମଧ୍ୟ ଜବତ କରାଯାଇଥିଲା। ଏହି ସବୁ ସାମଗ୍ରୀ ପରିବହନରେ ବ୍ୟବହୃତ ଏକ ଟ୍ରକ ମଧ୍ୟ ସିଜ କରାଯାଇଛି।