ସ୍କ୍ରାପିଂ ପଲିସିକୁ ରାଜ୍ୟ କ୍ୟାବିନେଟର ମୋହର

ଓଏଲ୍ ବ୍ୟୁରୋ : ରାଜ୍ୟ କ୍ୟାବିନେଟରେ ୧୨ ବିଭାଗର ୧୭ଟି ପ୍ରସ୍ତାବକୁ ଅନୁମୋଦନ ମିଳିଥିବାବେଳେ ସ୍କ୍ରାପିଂ ପଲିସିରେ ଲାଗିଲା ମୋହର। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ୫୨ତମ  ବୈଠକ ଅନୁଷ୍ଠିତ ହୋଇଥିବାବେଳେ ଅନେକ ପ୍ରସ୍ତାବକୁ ଅନୁମୋଦନ ମିଳିଛି। ରାଜ୍ୟ କ୍ୟାବିନେଟ ଯାନବାହାନ ଜନିତ ପ୍ରଦୂଷଣକୁ ରୋକିବା ପାଇଁ ଅନୁମୋଦନ କଲା ସ୍କ୍ରାପିଂ ପଲିସିକୁ। ଏହି ପଲିସି ଵାୟୁପ୍ରଦୂଷଣକୁ ରୋକିବାରେ ବିଶେଷ ଭୂମିକା ଗ୍ରହଣ କରିବ।

ରାଜ୍ୟ କ୍ୟାବିନେଟର ଅନୁମୋଦନ କ୍ରମେ ୧୫ବର୍ଷ ପୁରଣ କରିଥିବା ଯାନକୁ ସ୍କ୍ରାପିଂ କେନ୍ଦ୍ରରେ ସ୍କ୍ରାପିଂ କରିବାକୁ ପଡିବ। ଯାହା ଦ୍ୱାରା ସ୍କ୍ରାପିଂ କରିଥିବା ବ୍ୟକ୍ତି ମାନଙ୍କୁ ନୂତନ ଗାଡି କିଣିବା ପାଇଁ ପ୍ରୋସାହନ କରାଯିବ। ରାଜ୍ୟ କ୍ୟାବିନେଟରେ ଏହା ବ୍ୟତୀତ ଆହୁରି ଅନେକ ପ୍ରସ୍ତାବ ମଞ୍ଜୁର ହୋଇଛି।