ଜମି ବିକ୍ରି ପାଇଁ ମିଳିଲାନି ଅନୁମତି, ନିଜ ଦେହରେ ନିଆଁ ଲଗାଇ ଯୁବକଙ୍କ ମୃତ୍ୟୁ

ଓଏଲ୍‌ ବ୍ୟୁରୋ: ସମ୍ବଲପୁର ବୁର୍ଲା ମେଡିକାଲରୁ ଏକ ଦୁଃଖଦ ଖବର ସାମ୍ନାକୁ ଆସିଛି। ଦେହରେ ନିଆଁ ଲଗାଇଥିବା ଦିବ୍ୟାଙ୍ଗ ଯୁବକଙ୍କ ମୃତ୍ୟୁ ହୋଇଛି। ଜମି ବିକ୍ରି ପାଇଁ ଅନୁମତି ନ ମିଳିବାରୁ ନିଜ ଦେହରେ ନିଆଁ ଲଗାଇ ମୃତ୍ୟୁ ବରଣ କରିଛନ୍ତି। ସମ୍ବଲପୁର ବୁର୍ଲାରେ ଚିକିତ୍ସାଧୀନ ଅବସ୍ଥାରେ ଯୁବକଙ୍କ ମୃତ୍ୟୁ ହୋଇଛି।

ଖବର ଅନୁସାରେ, ଜମି ବିକ୍ରି ପାଇଁ ଅନୁମତି ମାଗିଥିଲେ ଯୁବକ ଜଣକ। ହେଲେ ତାଙ୍କୁ ଅନୁମତି ମିଳିନଥିଲା। ଜମି ବିକ୍ରି ପାଇଁ ଅନୁମତି ନ ମିଳିବାରୁ ଦେହରେ ନିଆଁ ଲଗାଇଥିଲେ। କାଲି ସଦର ତହସିଲ ଅଫିସ୍ ଆଗରେ ଦେହରେ ନିଆଁ ଲଗାଇଥିଲେ ଯୁବକ ଜଣକ। ତେବେ ଏନେଇ ତହସିଲଦାର ଓ ଅତିରିକ୍ତ ତହସିଲଦାରଙ୍କ ନାମରେ ମାମଲା ରୁଜୁ ହୋଇଥିବା ଜଣା ପଡିଛି। ପରିବାରର ଅଭିଯୋଗ ପରେ ନୂଆପଡ଼ା ଥାନାରେ ମାମଲା ରୁଜୁ କରାଯାଇଛି।