ଭାରତୀୟ ବଜାରରେ ଉପସ୍ଥିତି ବିନା କୌଣସି ଶିଳ୍ପ ସଂସ୍ଥାର ଅଭିବୃଦ୍ଧି ସମ୍ଭବ ନୁହେଁ: ଶୁଭ୍ରକାନ୍ତ ପଣ୍ଡା

ଓଏଲ୍‌ ବ୍ୟୁରୋ: ଭାରତୀୟ ବଜାରରେ ଉପସ୍ଥିତି ବିନା କୌଣସି ଶିଳ୍ପସଂସ୍ଥାର ଅଭିବୃଦ୍ଧି ସମ୍ଭବ ନୁହେଁ। ଫିକି ସଭାପତି ତଥା ଇଣ୍ଡିଆନ୍ ମେଟାଲ ଏଣ୍ଡ ଫେରୋ ଆଲଏଜ୍ (ଇମ୍ଫା) ପରିଚାଳନା ନିର୍ଦ୍ଦେଶକ(ଏମଡି) ଶୁଭ୍ରକାନ୍ତ ପଣ୍ଡା କହିଛନ୍ତି। ନିକଟରେ ଫିକି ଏବଂ ୟୁଏସ-ଇଣ୍ଡିଆ ଷ୍ଟ୍ର।ଟେଜିକ ଫୋରମ ଦ୍ୱାରା ଆୟୋଜିତ ଗୋଲ ଟେବୁଲ ବୈଠକ ‘ଇନଭେଷ୍ଟିେଙ୍ଗ୍ ଇନ୍ ଇଣ୍ଡିଆ ଡିକେଟ୍’ ଶୀର୍ଷକ ଆଲୋଚନାରେ ଅଂଶ୍ରହଣ କରି ଶ୍ରୀ ପଣ୍ଡା ଉପରୋକ୍ତ ମନ୍ତବ୍ୟ ରଖିଛନ୍ତି। ଏହି ବୈଠକରେ କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସିତାରମଣ ମଧ୍ୟ ଅଂଶ ଗ୍ରହଣ କରିଥିଲେ।

ବୈଠକରେ ଶ୍ରୀ ପଣ୍ଡାଙ୍କ ଦ୍ବାରା ଇଜ୍ ଅଫ୍ ଡୁଇଙ୍ଗ ବିଜନେସ, ଭିତ୍ତିଭୂମି ବିକାଶ, ଦେଶରେ ପୁଞ୍ଜି ନିବେଶକୁ ଆକୃଷ୍ଟ କରିବା ପାଇଁ ସରକାରଙ୍କ ନିଆ ଯାଇଥିବା ସଂସ୍କାର ଏବଂ ଦୀର୍ଘକାଳୀନ ଶିଳ୍ପନୀତି ବିଷୟରେ ଆଲୋଚନା କରାଯାଇଥିଲା। ଏହି ଗୋଲ ଟେବୁଲ ବୈଠକ ଫିକି ଏବଂ ୟୁଏସ୍- ଇଣ୍ଡିଆ ଷ୍ଟାଟେଜିକ ପାଟନରସିପ ଫୋରମ୍ ଦ୍ବାରା ଆୟୋଜିତ ହେଇଥିଲା। ଏହି ବୈଠକ ଆଇଏମଏଫ୍ ର ୱାଶିଂଟନ ଡିସିରେ ହେଉଥିବା ସ୍ପ୍ରିଙ୍ଗ ମିଟିଂ(ବସନ୍ତ ବୈଠକ)ର ଅଂଶ ବିଶେଷ। ଏହି ବୈଠକରେ ଶିଳ୍ପ କ୍ଷେତ୍ରର ବହୁ ବରିଷ୍ଠ ବ୍ୟକ୍ତି ବିଶେଷ ଯୋଗଦାନ ଦେଇଥିଲେ।

ଫିକି ସଭାପତି ତଥା ଇଣ୍ଡିଆନ୍ ମେଟାଲ ଏଣ୍ଡ ଫେରୋ ଆଲଏଜ୍ (ଇମ୍ଫା) ପରିଚାଳନା ନିର୍ଦ୍ଦେଶକ ଶୁଭ୍ରକାନ୍ତ ପଣ୍ଡା ଫିକିର ଏକ ପ୍ରତିନିଧି ମଣ୍ଡଳୀକୁ ପ୍ରତିନିଧିତ୍ବ କରିଥିଲେ। ଏଥିସହ ଶ୍ରୀ ପଣ୍ଡା ଭାରତୀୟ ରିଜର୍ଭ ବ୍ୟାଙ୍କର ଗଭର୍ଣ୍ଣର ଶ୍ରୀଯୁକ୍ତ ଶକ୍ତିକାନ୍ତ ଦାସଙ୍କ ସହିତ ଆଲୋଚନା କରିଥିଲେ। ଶ୍ରୀ ଦାସ ମଧ୍ୟ ବିଶ୍ୱ ବ୍ୟାଙ୍କ୍ ଏବଂ ଆଇଏମଏଫ୍ ସ୍ପ୍ରିଙ୍ଗ୍ ମିଟିଂ ରେ ଯୋଗଦେଇଥିଲେ। ଶ୍ରୀ ପଣ୍ଡା ଏବଂ ଶ୍ରୀ ଦାସଙ୍କ ମଧ୍ୟରେ ମହାମାରୀ ପରବର୍ତ୍ତୀ ପରିସ୍ଥିତିରେ ଉନ୍ନୟନ ଏବଂ ଭାରତୀୟ ଅର୍ଥନୀତିର ଅଭିବୃଦ୍ଧି ସଂକ୍ରାନ୍ତରେ ଆଲୋଚନା ହୋଇଥିଲା।