ରାଜସ୍ଥାନରେ ଦୁର୍ଘଟଣାଗ୍ରସ୍ତ ହେଲା ବାୟୁସେନାର ଏକ ବିମାନ, ଦୁଇ ମହିଳା ମୃତ

ଓଏଲ୍‌ ବ୍ୟୁରୋ: ରାଜସ୍ଥାନରେ ଘଟିଥିବା ଏକ ଦୁଃଖଦ ଖବର ସାମ୍ନାକୁ ଆସିଛି। ବାୟୁସେନାର ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି। ରାଜସ୍ଥାନ ହନୁମାନଗଡ଼ରେ ଖସି ପଡ଼ିଲା ଏମଆଇଜି-୨୧ ଫାଇଟର ଜେଟ୍‌। ବିମାନ ଖସିବା ଯୋଗୁ ଦୁଇ ମହିଳାଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଥିବା ସୂଚନା ରହିଥିଲା। ବର୍ତ୍ତମାନ ଆହତ ହୋଇଥିବା ବ୍ୟକ୍ତିଙ୍କ ଜୀବନ ଚାଲିଯାଇଥିବା ଜଣା ପଡିଛି। ଦୁର୍ଘଟଣାଗ୍ରସ୍ତ ବିମାନର ପାଇଲଟ ସୁରକ୍ଷିତ ଥିବାବେଳେ ଉଦ୍ଧାର କାର୍ଯ୍ୟ ଜାରି ରହିଛି।

ଗତ ମେ ୪ରେ ଜମ୍ମୁ କାଶ୍ମୀରରେ ସେନା ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିବା ଜଣା ପଡିଥିଲା। କିସ୍ତିୱାର ନିକଟରେ ହେଲିକପ୍ଟର ଖସି ପଡ଼ିଥିବା ସୂଚନା ମିଳିଥିଲା। ଆର୍ମି ହେଲିକପ୍ଟର ଏଏଲଏକ ଧ୍ରୁବ ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣାରେ ଜଣେ ଯବାନ ସହିଦ ହୋଇଥିଲେ। ଘଟଣାସ୍ଥଳରେ ପାଇଲଟ ଆହତ ହୋଇଥିବାବେଳେ ସୁରକ୍ଷିତ ଥିବା ସୂଚନା ମିଳିଥିଲା।