ପୁଲିସ-ମାଓବାଦୀ ଗୁଳିବିନିମୟ, ବରିଷ୍ଠ ପୁଲିସ ଅଧିକାରୀ ଗୁରୁତର

ଓଏଲ୍‌ ବ୍ୟୁରୋ: କଳାହାଣ୍ଡି ଏମ-ରାମପୁରରେ ହୋଇଛି ଗୁଳିବିନିମୟ। କମ୍ବିଂ ବେଳେ ପୁଲିସ ଏବଂ ମାଓବାଦୀ ମଧ୍ୟରେ ଗୁଳିବିନିମୟ ହୋଇଛି। ଏହି ଗୁଳିବିନିମନୟ ସମୟରେ ଜଣେ ବରିଷ୍ଠ ପୁଲିସ ଅଧିକାରୀ ଗୁରୁତର ଭାବେ ଆହତ ହୋଇଛି ସୂଚନା ରହିଛି। ଘଟଣା ସ୍ଥଳରେ ପୁଲିସର ଗୁଳିରେ ୩ ନକ୍ସଲ ଆହତ ହୋଇଥିବା ଜଣା ପଡିଛି।

ଅନ୍ୟପଟେ, କନ୍ଧମାଳରେ ଘଟିଥିବା ଏକ ଦୁଃଖଦ ଖବର ସାମ୍ନାକୁ ଆସିଥିଲା। ବିଦ୍ୟୁତ ଆଘାତରେ ଜଣେ ଯବାନ ସହିଦ ହୋଇଥିବା ଜଣା ପଡିଥିଲା। ବିଦ୍ୟୁତ ଆଘାତରେ ସହିଦ ହୋଇଥିବା ଯବାନ ହେଲେ ତୁଷାରକାନ୍ତ ଦାସ। ସହିଦ ଯବାନ ତୁଷାରକାନ୍ତ ଦାସଙ୍କ ଘର ଯାଜପୁର ବଡ଼ଚଣା ବଡବାଲିକୁଦା ଗାଁରେ। ସହିଦ ଯବାନ ତୁଷାରକାନ୍ତ ଦାସଙ୍କ ମରଶରୀର ଆସନ୍ତାକାଲି ପହଞ୍ଚିବ ଜନ୍ମମାଟିରେ।