ସ୍କୁଲ ଶିକ୍ଷକ ପଦବୀ ପାଇଁ ଆଶାୟୀଙ୍କୁ ଆଶ୍ୱସ୍ତି, ଥରେ ଓଟିଇଟି ପାସ କଲେ ଜୀବନବ୍ୟାପୀ ବୈଧତା

ଓଏଲ୍‌ ବ୍ୟୁରୋ: ରାଜ୍ୟ ସରକାରଙ୍କ ପକ୍ଷରୁ ସ୍କୁଲ ଶିକ୍ଷକ ପଦବୀ ପାଇଁ ଆବେଦନ କରୁଥିବା ଆଶାୟୀଙ୍କୁ ବଡ ଆଶ୍ୱସ୍ତି। ଓଟିଇଟିର ବୈଧତା ସୀମା ବୃଦ୍ଧି କଲେ ରାଜ୍ୟ ସରକାର। ଓଡ଼ିଶା ଶୈକ୍ଷିକ ଯୋଗ୍ୟତା ପରୀକ୍ଷା ଥରେ ପାସ୍ କଲେ ଜୀବନବ୍ୟାପୀ ବୈଧତା ରହିବ ବୋଲି ରାଜ୍ୟ ସରକାରଙ୍କ ପକ୍ଷରୁ ଘୋଷଣା କରାଯାଇଛି। ପୂର୍ବରୁ ଓଡ଼ିଶା ଶୈକ୍ଷିକ ଯୋଗ୍ୟତା ପରୀକ୍ଷାରେ ପାସ୍ କଲେ ବୈଧତା ୭ ବର୍ଷ ରହୁଥିଲା ଯାହା ବଦଳାଇ ବର୍ତ୍ତମାନ ଜୀବନବ୍ୟାପୀ କରାଯାଇଛି। ତେବେ ଏନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ପ୍ରକାଶ ପାଇଛି। ଯାହା ସ୍କୁଲ ଶିକ୍ଷକ ପଦବୀ ପାଇଁ ଆବେଦନ କରୁଥିବା ଆଶାୟୀଙ୍କ ପାଇଁ ବଡ ଆଶ୍ବସ୍ତି ହେବ।