କ୍ୟାମ୍ପରୁ ମିଳିଲା ଜଣେ କନେଷ୍ଟବଳଙ୍କ ମୃତଦେହ, ହତ୍ୟା ଅଭିଯୋଗ ଆଣିଲେ ପରିବାର ଲୋକେ

ଓଏଲ୍‌ ବ୍ୟୁରୋ: ସାଲେପୁର ନିଶ୍ଚିନ୍ତକୋଇଲି ଥାନା ଅନ୍ତର୍ଗତ ଜିଗ୍ନିପୁର ଘଟିଥିବା ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଜିଗ୍ନିପୁର କ୍ୟାମ୍ପରୁ ଜଣେ କନେଷ୍ଟବଳଙ୍କ ମୃତଦେହ ଉଦ୍ଧାର କରାଯାଇଛି। ମାହାଙ୍ଗା ମହୋତ୍ସବରୁ ଡ୍ୟୁଟି ସାରି କ୍ୟାମ୍ପକୁ ଆସିଥିଲେ କନେଷ୍ଟବଳ। ମୃତ କନେଷ୍ଟବଳ ହେଉଛନ୍ତି ହେଡକ୍ୱାର୍ଟରରେ କାର୍ଯ୍ୟରତ ଶ୍ରୀନିବାସ ରାଉତ। କନେଷ୍ଟବଳଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଛି। ମୃତ କନେଷ୍ଟବଳଙ୍କୁ ହତ୍ୟା କରାଯାଇଥିବା ଅଭିଯୋଗ ଆଣିଲେ ପରିବାର ଲୋକେ। ତେବେ ଜିଗ୍ନିପୁର କ୍ୟାମ୍ପରୁ ମିଳିଥିବା କନେଷ୍ଟବଳଙ୍କ ମୃତ୍ୟୁ କାରଣକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି। ତେବେ ପରିବାର ଲୋକଙ୍କ ଅଭିଯୋଗ କ୍ରମେ ତଦନ୍ତ ଆରମ୍ଭ କରାଯାଇଛି।