ପୁଲିସ କନେଷ୍ଟବଳଙ୍କ ଘରେ କଳାକନା ବୁଲାଇଲା ଚୋର, ସୁନା ଅଳଙ୍କାର ଲୁଟ୍ ଅଭିଯୋଗ

ଓଏଲ୍‌ ବ୍ୟୁରୋ: କେନ୍ଦ୍ରାପଡ଼ାରେ ଘଟିଥିବା ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ପୁଲିସ କନେଷ୍ଟବଳଙ୍କ ଘରେ କଳାକନା ବୁଲାଇଲା ଚୋର। କେନ୍ଦ୍ରାପଡ଼ା ଜିଲ୍ଲା ସଦର ଥାନା ଅନ୍ତର୍ଗତ ଜଜାଙ୍ଗ ପୁଲିସ କଲୋନୀରୁ ଚୋରି ହୋଇଥିବା ଅଭିଯୋଗ ହୋଇଛି।

ପୁଲିସ କନେଷ୍ଟବଳଙ୍କ ଘର କବାଟ ଭାଙ୍ଗି ଲକ୍ଷାଧିକ ଟଙ୍କାର ସୁନା ଅଳଙ୍କାର ଲୁଟ୍ ହୋଇଥିବା ଅଭିଯୋଗ କରିଛନ୍ତି ପୁଲିସ କନେଷ୍ଟବଳ। ତେବେ ଲୁଟେରାଙ୍କ ଲୁଟ ତାଲିକାରୁ ଏଥର ପୁଲିସ ମଧ୍ୟ ବାଦ ପଡ଼ିନାହିଁ।