କେନ୍ଦ୍ରାପଡ଼ାରେ ଅଘଟଣ: ବାସନ ମାଜିବାବେଳେ ଜଣେ ମହିଳାଙ୍କୁ ଟାଣିନେଲା କୁମ୍ଭୀର

ଓଏଲ୍‌ ବ୍ୟୁରୋ: କେନ୍ଦ୍ରାପଡ଼ା ରାଜନଗର ଥାନା ଚାନ୍ଦିବାଉଁଶମୂଳ ହାତିଆଗଡ଼ି ଗାଁରେ ଅଘଟଣ। କେନାଲରେ ବାସନ ମାଜିବାବେଳେ ଜଣେ ମହିଳାଙ୍କୁ ଟାଣିନେଲା କୁମ୍ଭୀର। ପୂର୍ବରୁ ପହିଲି ରଜରେ ଗାଁରୁ ସହର ଉତ୍ସବ ମୁଖର ଥିବାବେଳେ ଏକ ଦୁଃଖଦ ଖବର ସାମ୍ନାକୁ ଆସିଥିଲା। ବ୍ରାହ୍ମଣୀରେ ନାବାଳକକୁ ଟାଣିନେଇଥିଲା କୁମ୍ଭୀର। ନାବାଳକ ଜଣଙ୍କ ହେଉଛନ୍ତି ପଟ୍ଟାମୁଣ୍ଡାଇ ନିମପୁର ଗାଁ ଆଶୁତୋଷ ଆଚାର୍ଯ୍ୟ। ସ୍ଥାନୀୟ ଲୋକଙ୍କ ଦ୍ୱାରା ଖୋଜାଖୋଜି ପରେ ନାବାଳକର କ୍ଷତାକ୍ତ ମୃତଦେହ ଉଦ୍ଧାର ହୋଇଥିଲା।

ସୂଚନାନୁସାରେ, ମାଆଙ୍କ ସହିତ ନଦୀକୁ ଯାଇଥିବା ବେଳେ ବ୍ରାହ୍ମଣୀରେ ନାବାଳକକୁ ଟାଣିନେଇଥିଲା କୁମ୍ଭୀର। ପ୍ରଥମେ ମାଆକୁ କୁମ୍ଭୀର ଝାମ୍ପିନେବା ବେଳେ ସେ ଅଳ୍ପକେ ବର୍ତ୍ତି ଯାଇଥିଲେ। ପାଖରେ ଥିବା ୮ବର୍ଷର ପୁଅକୁ କୁମ୍ଭୀର ଟାଣିନେଇଥିଲା। କୁମ୍ଭୀର ଟାଣିନେବା ପରେ ଗ୍ରାମବାସୀଙ୍କ ମନରେ ଭୟର ବାତ୍ତାବରଣ ଖେଳିଯାଇଥିବାବେଳେ ଏବେ ଆଉ ଏକ ଘଟଣା କୁମ୍ଭୀର ଭୟ ବଢ଼ାଇ ଦେଇଛି।