ମୁଣ୍ଡଳୀ ନିକଟରେ ୨ ଛାତ୍ର ନିଖୋଜ ଘଟଣା: ସନ୍ଦେହ ଘେରରେ ୩ ଜଣ ବନ୍ଧୁଙ୍କ ଆଚରଣ

ଓଏଲ୍‌ ବ୍ୟୁରୋ: ମହାନଦୀରେ ନରାଜ ନିକଟରେ ୨ ଛାତ୍ର ନିଖୋଜ ଘଟଣାରେ ନୂଆ ମୋଡ଼। ପୁଅକୁ ହତ୍ୟା କରାଯାଇଥିବା ଫାଣ୍ଡିରେ ତାଙ୍କ ବାପା ଅଭିଯୋଗ କରିଛନ୍ତି। ନିଖୋଜ ଛାତ୍ରଙ୍କ ମଧ୍ୟରୁ ଜଣକ ବାପା ଗୋଡ଼ିସାହି ଫାଣ୍ଡିରେ ଏତଲା କରିଛନ୍ତି। ପୁଅକୁ ଅପହରଣ କିମ୍ବା ନଦୀକୁ ଠେଲି ହତ୍ୟା କରାଯାଇଥିବା ଅଭିଯୋଗ ହୋଇଥିବାବେଳେ ପୁଅର ୩ ଜଣ ସାଙ୍ଗଙ୍କ ଆଚରଣକୁ ନେଇ ସନ୍ଦେହ କଲେ। ୩ ସାଙ୍ଗ ଘରକୁ ଆସି ନିଖୋଜ ଛାତ୍ରର ମୋବାଇଲ ମାଗିବାରୁ ସନ୍ଦେହ କରିଛନ୍ତି।

ସୂଚନା ଅନୁସାରେ, ଗତ ଅଗଷ୍ଟ ୮ ତାରିଖରେ ଏକ ଘରୋଇ କଲେଜର ଦୁଇ ନାବାଳକ ଛାତ୍ର ମୁଣ୍ଡଳୀ ନିକଟସ୍ଥ ମହାନଦୀକୁ ଗାଧେଇବାକୁ ଆସି ନିଖୋଜ ହୋଇଯାଇଥିବା ପରିବାର ଲୋକେ ଅଭିଯୋଗ ଆଣିଛନ୍ତି। ଖବର ପାଇ ଘଟଣାସ୍ଥଳରେ ବାରଙ୍ଗ ଅଗ୍ନିଶମ ବାହିନୀ ପହଁଚି ଖୋଜା ଖୋଜି ଜାରି କରିଥିଲେ। ତେବେ ଦୁଇ ଜଣଙ୍କ ନିଖୋଜର କାରଣ ସନ୍ଦେହ ଘେରରେ ରହିଛି।