ଓଏଲ୍ ବ୍ୟୁରୋ: ୟୁକ୍ରେନରେ ଘଟିଥିବା ଏକ ଦୁଃଖଦ ଖବର ସାମ୍ନାକୁ ଆସିଛି। ୟୁକ୍ରେନ ଉପରେ ରୁଷିଆ ଏୟାରଷ୍ଟ୍ରାଇକ କରିଛି। ରୁଷିଆର ଏହି ଆକ୍ରମଣରେ ୫୦ରୁ ଅଧିକ ଜୀବନ ଚାଲିଯାଇଛି। ଖାରକିଭ୍ର ହ୍ରଜା ଅଞ୍ଚଳରେ ଆକାଶ ମାର୍ଗରୁ ମିଜାଇଲ୍ ଆକ୍ରମଣ କରାଯାଇଥିଲା। ସମସ୍ତ ମୃତକ ସାଧାରଣ ନାଗରିକ ହୋଇଥିବାବେଳେ ସେମାନଙ୍କ ମଧ୍ୟରେ ଜଣେ ଶିଶୁ ମଧ୍ୟ ଥିବା ସୂଚନା ରହିଛି। ନାଗରିକଙ୍କୁ ଟାର୍ଗେଟ କରି ରୁଷ୍ ଆକ୍ରମଣ କରିଥିବା ଅଭିଯୋଗ ହୋଇଛି। ଆକ୍ରମଣକୁ ନିନ୍ଦା କରିବା ସହ ଉଚିତ୍ ଜବାବ ଦିଆଯିବ ବୋଲି ୟୁକ୍ରେନ୍ ରାଷ୍ଟ୍ରପତି ଜେଲେନ୍ସ୍କି କହିଛନ୍ତି।
