ଓଏଲ୍ ବ୍ୟୁରୋ: କିଛି ଦିନ ହେବ ଲଗାତାର ଭାବେ ରେଳ ଦୁର୍ଘଟଣା ଖବର ସାମ୍ନାକୁ ଆସୁଛି। ତେବେ ରେଳ ଦୁର୍ଘଟଣା କିଛି କ୍ଷତି କରୁ ଅବା ନକରୁ ବରଂ ଏହି ଖବର ଭୟ ସୃଷ୍ଟି କରିଛି। ତେବେ ପୁଣି ଆଜି ଏକ ଅଘଟଣ ଖବର ସାମ୍ନାକୁ ଆସିଛି। କଣ୍ଟାବାଞ୍ଜିରେ ଏକ କୋଇଲା ବୋଝେଇ ଟ୍ରେନରେ ନିଆଁ ଲାଗିଥିବା ଖବର ସାମ୍ନାକୁ ଆସିଛି। ତୁରେଇକେଲା ଷ୍ଟେସନ ନିକଟରେ ଗୋଟିଏ ବଗିରେ ନିଆଁ ଲାଗିଲା। ରାୟପୁରରୁ ବିଶାଖାପାଟଣା ଯାଉଥିବା ବେଳେ ଅଗ୍ନିକାଣ୍ଡ ହୋଇଛି। କଣ୍ଟାବାଞ୍ଜି ଷ୍ଟେସନରେ ରେଲୱେ ପକ୍ଷରୁ ନିଆଁକୁ ଆୟତ୍ତ କରାଯାଇଛି।