ଓଏଲ୍ ବ୍ୟୁରୋ: ୨୦୨୪ ସାଧାରଣ ନିର୍ବାଚନ ପାଇଁ ବାଜିଲାଣି ବିଗୁଲ। ରାଜ୍ୟର ୩ ପ୍ରମୁଖ ଦଳ ଆରମ୍ଭ କରିଲେଣି ରଣନୀତି। ଦୁଇ ଜାତୀୟ ଦଳ ବିଜେପି ଓ କଂଗ୍ରେସ ଦିଲ୍ଲୀରେ ଓଡ଼ିଶା ଦଖଲ ପାଇଁ କରୁଛନ୍ତି ପ୍ରସ୍ତୁତି। ଅନ୍ୟପଟେ ଦେଶର ସବୁଠି ଚର୍ଚ୍ଚାରେ ରହୁଥିବା ଆଞ୍ଚଳିକ ଦଳ ବିଜୁ ଜନତା ଦଳ ଲଗାତାର ୬ଷ୍ଠ ଥର ପାଇଁ ବିଜୟ ମୁକୁଟ ପିନ୍ଧିବା ପାଇଁ ଆପଣାଇଛି ସ୍ବତନ୍ତ୍ର ରଣନୀତି। ଏହାରି ମଧ୍ୟରେ କଂଗ୍ରେସ ନ୍ୟାୟ ଯାତ୍ରା ଲୋଗୋ ଉନ୍ମୋଚିତ ହୋଇଛି।
ରାହୁଲ ଗାନ୍ଧୀଙ୍କ ଭାରତ ଯୋଡ଼ ନ୍ୟାୟ ଯାତ୍ରାର ଲୋଗୋ ଉନ୍ମୋଚିତ। ଭୁବନେଶ୍ୱର ଠାରେ ଓଡ଼ିଶା ପିସିସି ପକ୍ଷରୁ ଉନ୍ମୋଚିତ ହେଲା ଲୋଗୋ। ଲୋଗୋ ଉନ୍ମୋଚନ ସହ କଂଗ୍ରେସ ଏକ ନମ୍ବର ମଧ୍ୟ ଜାରି କରିଛି। ଜାରି ହୋଇଥିବା ନମ୍ବରରେ ଫୋନ୍ କରି ଯାତ୍ରାରେ ସାମିଲ ଲାଗି ଅପିଲ୍। ଭାରତ ଯୋଡ଼ ନ୍ୟାୟ ଯାତ୍ରା ନେଇ ବରିଷ୍ଠ ନେତା ଶରତ ରାଉତ ସୂଚନା ଦେଇଛନ୍ତି। ଯାତ୍ରା ବେଳେ ରାହୁଲ ଗାନ୍ଧୀ ଓଡ଼ିଶାରେ ୪ ଦିନ ରହିବେ। ରାଜ୍ୟର ୪ଟି ଜିଲ୍ଲା ଦେଇ ଯିବ ଭାରତ ଯୋଡ଼ ନ୍ୟାୟ ଯାତ୍ରା। ମୟୂରଭଞ୍ଜ, କେନ୍ଦୁଝର, ସୁନ୍ଦରଗଡ଼ ଓ ଝାରସୁଗୁଡ଼ା ଦେଇ ଯାତ୍ରା କରିବ।