ଓଏଲ୍ ବ୍ୟୁରୋ: ଆଜି ବି କଣ ଅବହେଳିତ ଶିଶୁକନ୍ୟା! ଆଜି ବି ଏ ଦୁନିଆଁ କଣ କନ୍ୟାକୁ ବୋଝ ବୋଲି ଭାବୁଛି। ସରକାରଙ୍କ ଯୋଜନା ପରେ ବି କାହିଁକି ଶିଶୁକନ୍ୟା ଜନ୍ମ ହେଲେ ବାପା ମା’ଙ୍କ ମନରେ ଦୁଃଖ ଆସିଯାଉଛି। ଏଭଳି ଅନେକ ଘଟଣା ସାମ୍ନାକୁ ଆସୁଛି ଯାହା ବାରମ୍ଵାର ଶିଶୁକନ୍ୟାର ଜନ୍ମକୁ ଅବହେଳିତ ବୋଲି ଦର୍ଶାଇ ଦେଉଛି।
ପ୍ରତିବର୍ଷ ଜାନୁଆରୀ ୨୪ରେ ଭାରତରେ ଜାତୀୟ ବାଳିକା ଶିଶୁ ଦିବସ ପାଳନ କରାଯାଏ। ଆଜିର ସମୟରେ ଦେଶର ଝିଅମାନେ ପ୍ରତ୍ୟେକ କ୍ଷେତ୍ରରେ ସେମାନଙ୍କର ନାମ ପ୍ରସିଦ୍ଧ କରୁଛନ୍ତି। କିନ୍ତୁ ଆଜି ବି ଲୋକ ଭାରତରେ ଝିଅ ଜନ୍ମକୁ ନେଇ ଦୁଃଖିତ ହୁଅନ୍ତି। ଆଜି ମଧ୍ୟ ଆମ ସମାଜରେ ଝିଅ ଏବଂ ପୁଅଙ୍କ ମଧ୍ୟରେ ଭେଦଭାବ ଦେଖିବାକୁ ମିଳେ। ଆମ ଦେଶର ସ୍ବାଧୀନତା ପରଠାରୁ ଭାରତ ସରକାର ଝିଅମାନଙ୍କୁ ଦେଶର ପ୍ରଥମ ସ୍ଥିତିକୁ ଆଣିବା ପାଇଁ ଯଥାସମ୍ଭବ ଚେଷ୍ଟା କରିଛନ୍ତି। ଏଥିପାଇଁ ଜାତୀୟ ବାଳିକା ଶିଶୁ ଦିବସ ପାଳନ ଆରମ୍ଭ ହୋଇଥିଲା।
ଜାନୁଆରୀ ୨୪ରେ ଏହି ବିଶେଷ ଦିନ ପାଳନ କରିବାର ଏକ ବିଶେଷ କାରଣ ମଧ୍ୟ ଅଛି, ଯାହା ଦେଶର ଝିଅମାନଙ୍କୁ ସଶକ୍ତ କରିବା ପାଇଁ ସଚେତନତା ସୃଷ୍ଟି କରିଥାଏ। ତେବେ ଆସନ୍ତୁ ଜାଣିବା କାହିଁକି ଆମେ କେବଳ ଜାନୁଆରୀ ୨୪ରେ ଜାତୀୟ ବାଳିକା ଶିଶୁ ଦିବସ ପାଳନ କରୁ…
ଜାନୁଆରୀ ୨୪ରେ ଜାତୀୟ ବାଳିକା ଶିଶୁ ଦିବସ କାହିଁକି ପାଳନ କରାଯାଏ?
ପ୍ରତିବର୍ଷ ଜାନୁଆରୀ ୨୪ ତାରିଖକୁ ଝିଅ ଦିବସ ଭାବରେ ପାଳନ କରିବାର ଏକ ବିଶେଷ କାରଣ ଅଛି। ଏହି କାରଣ ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧିଙ୍କ ସହ ଜଡିତ। ୧୯୬୬ ମସିହାରେ ଇନ୍ଦିରା ଗାନ୍ଧି ଦେଶର ପ୍ରଥମ ମହିଳା ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ଏହି ଦିବସ ଅସମାନତା ବିଷୟରେ ଜନସଚେତନତା ସୃଷ୍ଟି କରିବା ପାଇଁ ୨୦୦୮ ମସିହାରେ ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ଏବଂ ଭାରତ ସରକାରଙ୍କ ଦ୍ୱାରା ଆରମ୍ଭ କରାଯାଇଥିଲା।