ଭୁବନେଶ୍ଵର: ଶ୍ରଦ୍ଧା ସବୁରୀ ପ୍ରଡକ୍ସନ ନିବେଦିତ ଓଡ଼ିଆ ଚଳଚିତ୍ର “ନିର୍ଣ୍ଣୟ” ଫେବୃଆରୀରେ ପ୍ରେକ୍ଷାଳୟକୁ ଆସିବାକୁ ଯାଉଛି। ପ୍ରଯୋଜକ ଟିକି ପଟ୍ଟନାୟକଙ୍କ ସହ ନିର୍ଦ୍ଦେଶନା ଦାୟିତ୍ୱରେ ଯୁବ ନିର୍ଦେଶକ ରାଜେନ୍ଦ୍ର ମହନ୍ତ ଅଛନ୍ତି। କାହାଣୀ ଲେଖିଛନ୍ତି ଶୁଭଶ୍ରୀ ସୁଭାସ୍ମିତା ମିଶ୍ର। ପ୍ରେମ, ସମ୍ପର୍କ,କର୍ତ୍ତବ୍ୟ, ଇଛା ଓ ଆଶା ଉପରେ ଗଢିଉଠିଛି ଏହି ଚଳଚ୍ଚିତ୍ର। ଆମ ସମାଜର ମହିଳା ଓ ବୃଦ୍ଧମାନେ କିପରି ଏହି ସ୍ୱଳ୍ପ ଜୀବନରେ ନିଜର ଅନେକ ଇଛା ଆଉ ସ୍ବପ୍ନକୁ ପୁରା କରିବା ପାଇଁ ଗୁରୁତ୍ୱପୂର୍ଣ୍ଣ “ନିର୍ଣ୍ଣୟ” ନେଉଛନ୍ତି ତାହା ଚଳଚ୍ଚିତ୍ର ମାଧ୍ୟାମରେ ଦେଖିବାକୁ ମିଳିବ।
ଚଳଚ୍ଚିତ୍ରରେ ବିଭିନ୍ନ ଭୂମିକାରେ ସୂର୍ଯ୍ୟମୟୀ ମହାପାତ୍ର, ଶ୍ରଦ୍ଧା ପାଣିଗ୍ରାହୀ, ନୈନା ଦାଶ, ଚୌଧୁରୀ ଜୟପ୍ରକାଶ ଦାଶ, ସୁକାନ୍ତ ରଥ, ସ୍ୱସ୍ତିକ ଚୌଧରୀ, ପ୍ରୀତିରାଜ ଶତପଥୀ, ଅଭିଜିତ ଦାଶ, ବିଜୟିନୀ ମିଶ୍ର, ଭସ୍ବତୀ ବାସୁ, ପ୍ରିୟା ବିଶୋଇ, ପୂର୍ଣ୍ଣିମା ବରାଳ, ମୁସ୍କାନ,ଜଗବନ୍ଧୁ ପଣ୍ଡା ଏବଂ ଶିଶୁ କଳାକାର ଭାବେ ସାଇବୀର ପଣ୍ଡା ଅଭିନୟ କରିଛନ୍ତି। ସଂଳାପରେ ସୁମିତ ପଣ୍ଡା, କ୍ୟାମେରା ଦୀପକ କୁମାର ଥିବାବେଳେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ସୋମେଶ ଶତପଥୀ, ଗୌରବ ଆନନ୍ଦ। ଗୀତଗୁଡିକ ଲେଖିଛନ୍ତି ସ୍ଥିତ ପଟ୍ଟନାୟକ ଓ ସୁମିତ ପଣ୍ଡା। କଣ୍ଠଦାନ କରିଛନ୍ତି ସଞ୍ଚିତା ଶୁଭଦର୍ଶିନୀ, ଅନୁରାଧା ପାଣିଗ୍ରାହୀ, ଗୌରବ ଆନନ୍ଦ ଓ ଆଶିଷ ପ୍ରଧାନ। ଚଳଚ୍ଚିତ୍ରଟି ନିହାତି ରୂପେ ଦର୍ଶକଙ୍କ ହୃଦୟକୁ ଛୁଇଁବ ବୋଲି ପ୍ରଯୋଜନା ସଂସ୍ଥା ଆଶା ରଖିଛନ୍ତି।