ଓଏଲ୍ ବ୍ୟୁରୋ: ନୂଆପଡ଼ା ଜିଲ୍ଲା ସୁନାବେଡ଼ା ଅଭୟାରଣ୍ୟ ସୋସେଙ୍ଗ ଗ୍ରାମପଞ୍ଚାୟତ ଅନ୍ତର୍ଗତ ଶିବ ନାରାୟଣ ପୁର ନିକଟସ୍ଥ ଜଙ୍ଗଲରେ ମାଓବାଦୀ ଏବଂ ଯବାନ ମଧ୍ୟରେ ଗୁଳି ବିନିମୟ ହୋଇଛି। କମ୍ବିଂ ଅପରେସନ ବେଳେ ମାଓବାଦୀ ମାନେ ଗୁଳି ଚାଳନା କରିଥିଲେ। ଏହି ଗୁଳିଚାଳନା ସମୟରେ ଜଣେ ଏସଓଜି ଯବାନ ପ୍ରକାଶ ତାଇଙ୍କ କାନ୍ଧ ଉପରେ ଗୁଳି ବାଜିଥିବା ବେଳେ ଆହତ ଅବସ୍ଥାରେ ଯବାନଙ୍କୁ ଉଦ୍ଧାର କରାଯାଇଛି।
ତୁରନ୍ତ ଚିକିତ୍ସା ପାଇଁ ଆହତ ଯବାନଙ୍କୁ ପଡୋଶୀ ରାୟପୁର ରାମକୃଷ୍ଣ ଘରୋଇ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ତାଙ୍କ ସ୍ବାସ୍ଥ୍ୟ ଅବସ୍ଥା ଉନ୍ନତି ଘଟିଥିବା ବେଳେ ସେ ସୁରକ୍ଷିତ ଥିବା ନୂଆପଡ଼ା ଏସପି ରାଘବେନ୍ଦ୍ର ଗୁଣ୍ଡଲା ରେଡ୍ଡୀ ପ୍ରକାଶ କରିଛନ୍ତି। ଘଟଣାସ୍ଥଳରେ କୁମ୍ବିଂ ଅପରେସନ ଜାରି ରହିଛି।