ଓଏଲ୍ ବ୍ୟୁରୋ: ଆଜି ଅନୁଷ୍ଠିତ ହେବ ଶ୍ରୀମନ୍ଦିର ନୀତି ସବକମିଟି ଓ ଛତିଶା ନିଯୋଗ ବୈଠକ। ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ଏହି ବୈଠକ ବସିବ। ଅପରାହ୍ନ ୪ଟାରେ ନିଳାଦ୍ରୀ ଭକ୍ତ ନିବାସ ଠାରେ ବସିବାକୁ ଥିବା ଏହି ବୈଠକରେ ଆଗାମୀ ରଥଯାତ୍ରା ଠାରୁ ନୀଳାଦ୍ରି ବିଜେ ପର୍ଯ୍ୟନ୍ତ ସମସ୍ତ ନୀତିକାନ୍ତି ନେଇ ଆଲୋଚନା ହେବ। ରଥଯାତ୍ରା ଓ ବାହୁଡା଼ ଯାତ୍ରା ବ୍ୟବସ୍ଥାବଳୀକୁ ମଧ୍ୟ ଅନୁମୋଦନ କରାଯିବ।
ଆସନ୍ତାକାଲି ପରିଚାଳନା କମିଟି ବୈଠକ ବସିବା ପୂର୍ବରୁ ଆଜି ରଥଯାତ୍ରାକୁ ନେଇ ସମସ୍ତ ନୀତିକାନ୍ତି ଛତିଶା ନିଯୋଗରେ ଆଲୋଚନା କରାଯାଇ ନୀତି ନିର୍ଘଣ୍ଟ ପ୍ରସ୍ତୁତ କରାଯିବ। ଆଜିର ବୈଠକରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ବିର ବିକ୍ରମ ୟାଦବ ଅଧ୍ୟକ୍ଷତା କରିବାକୁ ଥିବା ପୁରୀ ଜିଲ୍ଲାପାଳ,ଏସ୍ପି ଙ୍କ ସମେତ ସମସ୍ତ ନିଯୋଗର ପ୍ରତିନିଧି ମାନେ ଯୋଗ ଦେବେ।