ନୟାଗଡ଼: ଉତ୍କଳମଣି ପଣ୍ଡିତ ଗୋପାବନ୍ଧୁ ଦାସଙ୍କର ୯୬ ତମ ଶ୍ରାଦ୍ଧ ବାର୍ଷିକୀ ଅବସରରେ ଓଡିଶାର ପ୍ରସିଦ୍ଧ ଖବରକାଗଜ ‘ସମାଜ’ ଏବଂ ‘ଶ୍ରୀ ରାମକୃଷ୍ଣ ଆଦର୍ଶ ଶିକ୍ଷା କେନ୍ଦ୍ର’ ଦ୍ୱାରା ଆୟୋଜିତ ରକ୍ତ ଦାନ ଶିବିରରେ ସାମିଲ ହୋଇ ରକ୍ତଦାନ କଲେ ସମ୍ବିତ ପାତ୍ର। ନୟାଗଡ଼ ଜିଲ୍ଲାର ବ୍ଲଡ ବ୍ୟାଙ୍କରେ ରକ୍ତର ଅଭାବକୁ ଦୃଷ୍ଟିରେ ରଖି ଏହି ରକ୍ତଦାନ ଶିବିର ଆୟୋଜିତ ହୋଇଥିଲା। ଏହି ଅବସରରେ ସମ୍ବିତ ପାତ୍ର ପ୍ରତିକ୍ରିୟା ଦେଇ କହିଛନ୍ତି ଯେ ‘ ସମସ୍ତେ, ବିଶେଷକରି ନୟାଗଡ଼ ଏବଂ ରଣପୁର ବିଧାନସଭାର ସମସ୍ତ ଜନତା ଓ ଆମ ଯୁବ ଶକ୍ତିଙ୍କୁ ରକ୍ତ ଦାନ କରିବା ପାଇଁ ଅନୁରୋଧ କରୁଛି। ରକ୍ତ ଦାନ ଏକ ମହାନ ଦାନ ଅଟେ। ଜଣେ ରକ୍ତଦାତା ସମାଜ ଏବଂ ମାନବିକତାର ଜଣେ ମହାନ ସେବକ ଅଟେ, ସେଥିପାଇଁ ଆପଣ ସମସ୍ତେ ରକ୍ତ ଦାନ କରିବା ନିତ୍ୟାନ୍ତ ଜରୁରୀ।
