ଓଏଲ୍ ବ୍ୟୁରୋ: ଭୁବନେଶ୍ବରରେ ନକଲି ସସ୍ କାରଖାନା ଠାବ ଘଟଣା ସାମ୍ନାକୁ ଆସିଥିଲା। ଏହି ଘଟଣାରେ ପୁଲିସ ୩ ଜଣଙ୍କୁ ଗିରଫ କରିଛି। ଏୟାରଫିଲ୍ଡ ଥାନା ପୁଲିସ ଦ୍ବାରା ମ୍ୟାନେଜର ଓ ୨ କର୍ମଚାରୀ ଗିରଫ ହୋଇଥିବା ଜଣା ପଡିଛି। ଭୀମଟାଙ୍ଗୀ ଅଞ୍ଚଳରୁ ନକଲି ସସ୍ କାରଖାନା ଠାବ ହୋଇଥିଲା। କମିଶନରେଟ ପୁଲିସ ସ୍ପେଶାଲ ସ୍କ୍ବାଡର ଚଢାଉରେ ଏଠାରୁ କ୍ବିଣ୍ଟାଲ କ୍ବିଣ୍ଟାଲ ନକଲି ଟମାଟୋ ଓ ଚିଲି ସସ୍ ଜବତ ହୋଇଛି। କାରଖାନାରୁ ସସ୍ ତିଆରିରେ ବ୍ୟବହୃତ କଞ୍ଚାମାଲ ସହ ପ୍ୟାକିଂ ସାମଗ୍ରୀ ମଧ୍ୟ ଜବତ ହୋଇଛି।
